కన్నెపల్లిలో ఉచిత నేత్ర వైద్య శిబిరం

సూర్య కౌటాల : మండలంలోని కన్నెపల్లి గ్రామంలో శుక్రవారం ఉచిత నేత్ర వైద్య శిబిరం నిర్వహించారు.ఐకేర్ విజన్ సంటర్, కాగజ్‌నగర్ మరియు శ్రీ శ్రీ విజన్ ఫౌండేషన్ వారి సహకారంతో ఈ శిబిరాన్ని ఏర్పాటు చేశారు.ఈ శిబిరంలో గ్రామానికి చెందిన పలువురు ప్రజలు పాల్గొని నేత్ర పరీక్షలు చేయించుకున్నారు. వైద్య సిబ్బంది ప్రజలకు కంటి పరీక్షలు నిర్వహించి, కంటి ఆరోగ్యంపై పలు సూచనలు అందించారు. కంటి సమస్యలు ఉన్నవారికి అవసరమైన వైద్య సలహాలు అందించారు.గ్రామీణ ప్రాంత ప్రజలకు ఉచితంగా నేత్ర వైద్య సేవలు అందించడం పట్ల గ్రామస్థులు హర్షం వ్యక్తం చేశారు. ఇలాంటి ఆరోగ్య శిబిరాలు ప్రజలకు ఎంతగానో ఉపయోగపడతాయని, ప్రతి ఒక్కరూ తమ కంటి ఆరోగ్యం పట్ల శ్రద్ధ వహించాలని నిర్వాహకులు సూచించారు.