telangana
అద్విత ఇంటర్నేషనల్ స్కూల్‌లో విద్యార్థులకు దంత వైద్య పరీక్షలు
సూర్య కరీంనగర్ : భగత్‌నగర్‌లోని అద్విత ఇంటర్నేషనల్ స్కూల్‌లో ఎర్లీ ఇయర్స్ నుంచి 4వ తరగతి వరకు చదువుతున్న విద్యార్థులకు శుక్రవారం ప్రత్యేక దంత వైద్య పరీక్షల శిబిరం నిర్వహించారు. శ్రీ వెంకట దంత వైద్యశాల సహకారంతో ప్రముఖ దంత వైద్యులు డా. ఎల్. రాజా భాస్కర్ రెడ్డి నేతృత్వంలో ఈ శిబిరం జరిగింది. వైద్య బృందంలోని బి. వామన్ కుమార్, ఇతర నిపుణులు విద్యార్థులకు దంత పరీక్షలు నిర్వహించారు.ఈ సందర్భంగా దంత వైద్యులు పళ్లు తోముకునే సరైన పద్ధతులు, నోటి పరిశుభ్రత, దంతాల సంరక్షణ, ఆరోగ్యకరమైన ఆహారపు అలవాట్లపై విద్యార్థులకు అవగాహన కల్పించారు. చిన్న వయస్సులోనే దంత సమస్యలను గుర్తించి తగిన జాగ్రత్తలు తీసుకోవాలని సూచించారు.విద్యార్థుల విద్యాభివృద్ధితో పాటు ఆరోగ్యం, పరిశుభ్రతకు ప్రాధాన్యతనిస్తూ పాఠశాల ఇటువంటి కార్యక్రమాలు నిర్వహించడం అభినందనీయమని పేర్కొన్నారు. శిబిరానికి సహకరించిన వైద్య బృందానికి పాఠశాల యాజమాన్యం, డైరెక్టర్ అనుదీప్ సౌగాని ప్రత్యేక కృతజ్ఞతలు తెలిపారు. విద్యార్థుల సంపూర్ణ అభివృద్ధికి తమ పాఠశాల నిరంతరం కృషి చేస్తుందని పేర్కొన్నారు.
