సూర్య కరీంనగర్ : నగరపాలక సంస్థ అదనపు కమిషనర్‌గా సేవలందించి పదవీ విరమణ పొందిన జక్కుల సువార్తను కళాభారతిలో నిర్వహించిన కార్యక్రమంలో బీజేపీ రాష్ట్ర అధికార ప్రతినిధి, డిప్యూటీ మేయర్, మాజీ మేయర్ యాదగిరి సునీల్ రావు శాలువాతో ఘనంగా సన్మానించి శుభాకాంక్షలు తెలిపారు. ఈ సందర్భంగా ఆయన మాట్లాడుతూ, సువార్త తన సుదీర్ఘ సేవాకాలంలో ప్రజలకు, మున్సిపల్ సిబ్బందికి మధ్య వారధిగా ఉంటూ ప్రజా సమస్యల పరిష్కారానికి కృషి చేశారని కొనియాడారు. నగర అభివృద్ధి, పారిశుద్ధ్యం, పరిపాలనా వ్యవహారాల్లో ఆమె సేవలు అభినందనీయమని పేర్కొన్నారు.
