ఎల్‌నినో ప్రభావాన్ని ఎదుర్కొనేందుకు ముందస్తు చర్యలు చేపట్టాలి సమీక్షా సమావేశంలో పాల్గొన్న ఎమ్మెల్సీ కేతావత్ శంకర్ నాయక్
ఎల్‌నినో ప్రభావాన్ని ఎదుర్కొనేందుకు ముందస్తు చర్యలు చేపట్టాలి
సమీక్షా సమావేశంలో పాల్గొన్న ఎమ్మెల్సీ కేతావత్ శంకర్ నాయక్
మిర్యాలగూడ అర్బన్, మేజర్ న్యూస్: ఎల్‌నినో ప్రభావంతో భవిష్యత్తులో ఎదురయ్యే వాతావరణ మార్పులు, వాటి ప్రభావాలను సమర్థవంతంగా ఎదుర్కొనేందుకు చేపట్టాల్సిన ముందస్తు నివారణ చర్యలపై మిర్యాలగూడలో నిర్వహించిన సమీక్షా సమావేశంలో ఎమ్మెల్సీ శ్రీ కేతావత్ శంకర్ నాయక్ పాల్గొన్నారు.
ఈ సందర్భంగా ఎల్‌నినో ప్రభావం వల్ల వ్యవసాయం, తాగునీటి సరఫరా, సాగునీటి రంగాలపై పడే ప్రభావాలను సమావేశంలో చర్చించారు. ప్రజలకు ఎలాంటి ఇబ్బందులు కలగకుండా సంబంధిత శాఖల అధికారులు సమన్వయంతో పనిచేయాలని ఎమ్మెల్సీ సూచించారు. అవసరమైన ముందస్తు ప్రణాళికలు రూపొందించి, నివారణ చర్యలను పకడ్బందీగా అమలు చేయాలని అధికారులకు సూచించారు.
వాతావరణ పరిస్థితులను ఎప్పటికప్పుడు అంచనా వేస్తూ, ప్రజలకు అవసరమైన సహాయ సహకారాలు అందించేందుకు అధికారులు అప్రమత్తంగా ఉండాలని పేర్కొన్నారు.
ఈ సమావేశంలో మిర్యాలగూడ ఎమ్మెల్యే శ్రీ బత్తుల లక్ష్మారెడ్డి, మున్సిపల్ చైర్‌పర్సన్ శ్రీమతి చిలుకూరి సుధా బాలు, వైస్ చైర్‌పర్సన్ శ్రీమతి గుడిపాటి శిరీష నవీన్, జిల్లా కలెక్టర్, జాయింట్ కలెక్టర్, అదనపు కలెక్టర్, వివిధ శాఖల జిల్లా అధికారులు, ఇతర ప్రజాప్రతినిధులు పాల్గొన్నారు.
