కట్టంగూర్ పోలీస్ స్టేషన్‌లో నూతన ఎస్‌హెచ్‌ఓగా క్రాంతి కుమార్

నల్గొండ, మేజర్ న్యూస్::కట్టంగూర్ పోలీస్ స్టేషన్‌లో పరిపాలనా మార్పులు చోటుచేసుకున్నాయి. నూతన స్టేషన్ హౌస్ ఆఫీసర్ (ఎస్‌హెచ్‌ఓ)గా దగ్గుల క్రాంతి కుమార్ బాధ్యతలు చేపట్టారు. ఇప్పటివరకు ఎస్‌హెచ్‌ఓగా విధులు నిర్వహించిన మునుగోటి రవీందర్ బదిలీపై వెళ్లడంతో ఆయన స్థానంలో క్రాంతి కుమార్ నియమితులయ్యారు. బాధ్యతలు స్వీకరించిన అనంతరం క్రాంతి కుమార్ మాట్లాడుతూ.. పోలీస్ స్టేషన్ పరిధిలో శాంతిభద్రతల పరిరక్షణకు ప్రత్యేక ప్రాధాన్యత ఇస్తానని తెలిపారు. ప్రజలకు అందుబాటులో ఉంటూ వారి సమస్యలను ఎప్పటికప్పుడు పరిష్కరించేందుకు కృషి చేస్తానన్నారు. ప్రజలు చట్టాలను గౌరవిస్తూ పోలీసులకు సహకరించాలని కోరారు.