మెదక్ ఆర్‌డీఓ కార్యాలయంలో రాజకీయ పార్టీల ప్రతినిధులతో సమావేశం

మెదక్ ; శుక్రవారం మెదక్ ఆర్‌డీఓ కార్యాలయంలో 34-మెదక్ అసెంబ్లీ నియోజకవర్గ ఆర్‌డీఓ మరియు ఎన్నికల నమోదు అధికారి (ఈఆర్‌ఓ) డాక్టర్ కె. రామాదేవి ఆధ్వర్యంలో గుర్తింపు పొందిన రాజకీయ పార్టీల ప్రతినిధులతో సమావేశం నిర్వహించారు.ఈ సమావేశంలో స్పెషల్ ఇంటెన్సివ్ రివిజన్  కార్యక్రమం పొడిగింపు మరియు సవరించిన షెడ్యూల్ గురించి వివరించారు. నోటీసుల జారీ, విచారణ మరియు పరిష్కార ప్రక్రియ గడువును నవంబర్ 26వ తేదీ వరకు పొడిగించినట్లు, తుది ఓటర్ల జాబితాను నవంబర్ 30వ తేదీన ప్రచురించనున్నట్లు తెలియజేశారు.అదేవిధంగా నోటీసుల పరిష్కారానికి సంబంధించిన పెండింగ్ నివేదికను రాజకీయ పార్టీల ప్రతినిధులకు వివరించారు. ప్రస్తుతం కేవలం **387 నోటీసులు మాత్రమే పెండింగ్‌లో ఉన్నాయని**, వాటిని కూడా త్వరలో పరిష్కరించనున్నట్లు తెలిపారు.అలాగే ఫారం-6, ఫారం-6A, ఫారం-7 మరియు ఫారం-8 దరఖాస్తుల పరిష్కార పురోగతి, వాటి ప్రస్తుత స్థితి గురించి వివరించారు.ఈ సందర్భంగా ఓటర్ల జాబితా సవరణ ప్రక్రియను పారదర్శకంగా, ఎన్నికల సంఘం మార్గదర్శకాలకు అనుగుణంగా పూర్తి చేసేందుకు రాజకీయ పార్టీల ప్రతినిధులు సహకరించాలని ఆర్‌డీఓ డాక్టర్ కె. రమాదేవి కోరారు.ఈ కార్యక్రమంలో రాజకీయ పార్టీ ప్రతినిధులు తదితరులు పాల్గొన్నారు