అనాధ వృద్ధులకు అన్నదానం... ఘనంగా జన్మదిన వేడుకలు

వేంపల్లె మేజర్ న్యూస్:స్థానిక మధర్ థెరిస్సా ఛారిటబుల్ ట్రస్ట్ అనాధ వృధ్ధాశ్రమంలోని వృధ్ధులకు అన్నదానం ఏర్పాటు చేసినట్లు వైసిపి రాష్ట్ర యువనేత రాచినేని వేణుగోపాల్ వెల్లడించారు. శుక్రవారం మాజీ సర్పంచ్ రాచినేని శ్రీనివాసులు జన్మదిన వేడుకలను అభిమానులు ఘనంగా నిర్వహించారు. వృధ్ధుల మధ్య కేక్ కట్ చేసి పంచిపెట్టారు. అనంతరం అన్నదానంతో పాటు పండ్లు, స్వీట్లు పంపిణీ చేశారు. తమ అభిమాన నేత జన్మదిన వేడుకలను అనాధల మధ్య నిర్వహించడం సంతోషకరమన్నారు. నిండు నూరేండ్లు సంతోషంగా ఉండాలని ఆ భగవంతున్ని వేడుకున్నారు. ఈ కార్యక్రమంలో వైసిపి జిల్లా యువజన విభాగం ప్రధాన కార్యదర్శి కసిరెడ్డి ఆది నారాయణ రెడ్డి, నాయకులు సింగారెడ్డి భరత్ కుమార్ రెడ్డి, భూషణం, పుల్లయ్యతోట నాగేష్, బ్రహ్మనంద కుమార్, లోకేష్, రాహుల్ తదితరులు పాల్గొన్నారు.

రిపోర్టర్: గండికోట షేక్ ఖదీర్, వేంపల్లె, వైఎస్ఆర్ కడప జిల్లా.