ఫెన్సింగ్ పోటీల్లో శ్రీ సుధ విద్యార్థుల ప్రతిభ రాష్ట్ర స్థాయి పోటీలకు ఇద్దరి ఎంపిక
నంద్యాల (సూర్య ప్రతినిధి మేజర్ న్యూస్), ఉమ్మడి కర్నూలు, నంద్యాల జిల్లాల పరిధిలో ఇటీవల నిర్వహించిన 70వ ఎస్‌జీఎఫ్ (SGF) ఫెన్సింగ్ క్రీడా పోటీల్లో స్థానిక శ్రీ సుధ హైస్కూల్ విద్యార్థులు విశేష ప్రతిభ కనబరిచి రాష్ట్ర స్థాయి పోటీలకు ఎంపికయ్యారు. అండర్–17 విభాగంలో సతీష్, అండర్–14 విభాగంలో ఎం. వరుణ్ చంద్ర తేజ్ అత్యుత్తమ నైపుణ్యాన్ని ప్రదర్శించి రాష్ట్ర స్థాయికి అర్హత సాధించినట్లు పాఠశాల యాజమాన్యం తెలిపింది.విద్యార్థుల సాధన పట్ల పాఠశాల కరస్పాండెంట్ సాధానగిరి వేణుగోపాల్ హర్షం వ్యక్తం చేశారు. ఈ సందర్భంగా ఆయన మాట్లాడుతూ.. రాష్ట్ర స్థాయి పోటీల్లోనూ ఇదే రకమైన ప్రతిభను కనబరిచి తల్లిదండ్రులకు, పాఠశాలకు, జిల్లాకు మంచి పేరు తీసుకురావాలని ఆకాంక్షించారు. అనంతరం విజేతలను, వారికి శిక్షణ ఇచ్చిన వ్యాయామ ఉపాధ్యాయులు నాగరాజు, మనోహర్, రవికుమార్, సురేష్‌లను యాజమాన్యం ప్రత్యేకంగా అభినందించింది.ఈ కార్యక్రమంలో పాఠశాల చైర్మన్ సాధానగిరి సుదర్శన్, డైరెక్టర్లు రాజా సుధాకర్ గుప్తా, కరణం సూర్యనారాయణ, ప్రిన్సిపల్ మేరీ చార్లెస్, వైస్ ప్రిన్సిపల్ షమీనా, ఉపాధ్యాయులు రవికుమార్, వాసుదేవ తదితరులు పాల్గొన్నారు. సూర్య ప్రతినిధి తారక్ నంద్యాల జిల్లా డోన్ నియోజకవర్గం
