నిరుపేద కుటుంబానికి ట్రస్ట్ అండ.. అంత్యక్రియలకు రూ.10 వేల ఆర్థిక సాయం

సూర్య నర్సింగాపూర్: ఆపదలో ఉన్న నిరుపేద కుటుంబానికి హరిహర క్షేత్రం నర్సింగాపూర్ పోషక సమితి ట్రస్ట్ సభ్యులు అండగా నిలిచి మానవత్వాన్ని చాటుకున్నారు.నర్సింగాపూర్ గ్రామానికి చెందిన శ్రీమంతుల లక్ష్మీ గారు గుండెపోటుతో ఆకస్మికంగా మృతి చెందడంతో కుటుంబంలో విషాదం నెలకొంది. కుటుంబ ఆర్థిక పరిస్థితి అంతంతమాత్రంగా ఉండటంతో అంత్యక్రియల నిర్వహణకు ఇబ్బందులు ఎదురయ్యాయి. ఈ విషయం తెలుసుకున్న హరిహర క్షేత్రం నర్సింగాపూర్ పోషక సమితి ట్రస్ట్ సభ్యులు స్పందించి బాధిత కుటుంబానికి రూ.10 వేల ఆర్థిక సహాయాన్ని అందజేశారు.అంతేకాకుండా, విషాద సమయంలో గ్రామానికి వచ్చిన మృతురాలి సమీప బంధువులకు భోజన సదుపాయాన్ని కూడా కల్పించారు. కష్టకాలంలో ఆర్థికంగా, మానవతా దృక్పథంతో కుటుంబానికి అండగా నిలవడం పట్ల గ్రామస్తులు హర్షం వ్యక్తం చేశారు.