డంపింగ్ యార్డ్‌ను తొలగించాలి - ఎస్సీ కాలనీవాసుల ఆవేదన

సూర్య వీణవంక:వీణవంక మండలం శ్రీరాంరావుపేట గ్రామంలోని ఎస్సీ కాలనీ సమీపంలో ఉన్న డంపింగ్ యార్డును వెంటనే తొలగించాలని కాలనీవాసులు కోరుతున్నారు. గ్రామంలోని చెత్తాచెదారాన్ని డంపింగ్ యార్డులో వేయడంతో పరిసర ప్రాంతాలు అపరిశుభ్రంగా మారుతున్నాయని వారు ఆవేదన వ్యక్తం చేస్తున్నారు.
డంపింగ్ యార్డు నుంచి వెలువడుతున్న దుర్వాసనతో కాలనీవాసులు తీవ్ర ఇబ్బందులు ఎదుర్కొంటున్నారని తెలిపారు. దోమలు, ఈగలు పెరిగి అనారోగ్య సమస్యలు తలెత్తుతున్నాయని ఆందోళన వ్యక్తం చేశారు. ముఖ్యంగా చిన్నపిల్లలు, వృద్ధులు ఇబ్బందులు పడుతున్నారని పేర్కొన్నారు.