పోస్టల్ బ్యాలెట్ కేంద్రాన్ని తనిఖీ చేసిన కలెక్టర్

పుట్టపర్తి ఎంపిడిఓ కార్యాలయంలో జరుగుతున్న పుట్టపర్తి రూరల్ మండల ఎంపిటిసి,జెడ్పిటిసి ఎన్నికల పోస్టల్ బ్యాలెట్ కేంద్రాన్ని జిల్లా కలెక్టర్  శ్యామ్ ప్రసాద్ సందర్శించి ఏర్పాట్లను పరిశీలించారు.
పోస్టల్ బ్యాలెట్ వేయడానికి వచ్చే ఓటర్లకు హెల్ప్ డెస్క్ ద్వారా పూర్తి సహాయ సహకారాలు అందించాలని సిబ్బందిని ఆదేశించారు.పోస్టల్ బ్యాలెట్ కవర్లు,డిక్లరేషన్ ఫారమ్‌లలో నమోదు చేయాల్సిన వివరాలను ఎలాంటి తప్పులు లేకుండా సరైన పద్ధతిలో పూరించేలా ఓటర్లకు మార్గదర్శనం చేయాలన్నారు.
సరైన అవగాహన కల్పించడం వల్ల ఓటర్ల సమయం ఆదా అవ్వడమే కాకుండా, చిన్న చిన్న పొరపాట్ల వల్ల ఓట్లు చెల్లకుండా పోకుండా కాపాడవచ్చునని స్పష్టం చేశారు.