దళారుల ప్రమేయం లేకుండా రైతులకు మద్దతు ధర అందించాలి
దళారుల ప్రమేయం లేకుండా రైతులకు మద్దతు ధర అందించాలి
-గుర్రాలగొందిలో ఐకేపీ ధాన్యం కొనుగోలు కేంద్రం ప్రారంభం
-సర్పంచ్ ఆకుల స్వప్న హరీష్
సిద్దిపేట రూరల్ : రైతులు పండించిన ధాన్యాన్ని దళారుల ప్రమేయం లేకుండా ప్రభుత్వ కొనుగోలు కేంద్రాల్లో విక్రయించి మద్దతు ధర పొందాలని గుర్రాలగొంది గ్రామ సర్పంచ్ ఆకుల స్వప్న హరీష్ అన్నారు. శుక్రవారం నారాయణ రావుపేట మండలం గుర్రాలగొంది గ్రామంలో ఐకేపీ ఆధ్వర్యంలో ఏర్పాటు చేసిన ధాన్యం కొనుగోలు కేంద్రాన్ని ఏపీఎం చంద్రంతో కలిసి ఆమె ప్రారంభించారు.ఈ సందర్భంగా సర్పంచ్ ఆకుల స్వప్న హరీష్ మాట్లాడుతూ రైతులకు ఎలాంటి ఇబ్బందులు కలగకుండా ధాన్యం కొనుగోలు ప్రక్రియను పారదర్శకంగా నిర్వహించాలని సూచించారు. రైతులు దళారులను ఆశ్రయించకుండా ప్రభుత్వ కొనుగోలు కేంద్రాల్లోనే ధాన్యాన్ని విక్రయించి, ప్రభుత్వం ప్రకటించిన మద్దతు ధర పొందాలని కోరారు. రైతుల సంక్షేమమే లక్ష్యంగా కొనుగోళ్లు సజావుగా జరిగేలా గ్రామ పంచాయతీ తరఫున పూర్తి సహకారం అందిస్తామని తెలిపారు. రైతులకు అవసరమైన సౌకర్యాలు కల్పిస్తూ ధాన్యం కొనుగోళ్లలో ఎలాంటి జాప్యం జరగకుండా చర్యలు తీసుకోవాలని సూచించారు.ఈ కార్యక్రమంలో ఉపసర్పంచ్ కృష్ణ, వార్డు సభ్యులు రాజు, సుజాత, విజయ, పంచాయతీ కార్యదర్శి రమాదేవి, సీసీ హేమలత, ఐకేపీ సిబ్బంది, రైతులు, గ్రామ పెద్దలు, యువకులు, హమాలీ సంఘం సభ్యులు తదితరులు పాల్గొన్నారు.
(సూర్య రూరల్, రమేష్)
