భక్తిపారవశ్యంలో అడుగుల భజన
*--ఉర్కొండపేటలో ఇప్పటూరు భజన బృందం ప్రదర్శనకు ప్రశంసలు.*
నవాబుపేట సూర్య న్యూస్: మండలంలోని ఇప్పటూరు గ్రామానికి చెందిన శ్రీ శివాంజనేయ భజన మండలి సభ్యులు ఉర్కొండపేట గ్రామంలోని ఆంజనేయ స్వామి ఆలయం వద్ద అడుగుల భజన కార్యక్రమాన్ని భక్తిశ్రద్ధలతో నిర్వహించారు.గ్రామ సర్పంచ్ రవి కిరణ్ ముదిరాజ్ ఆధ్వర్యంలో శనివారం భజన బృందం సభ్యులు ఉర్కొండపేటకు చేరుకుని సంప్రదాయబద్ధంగా అడుగుల భజన ప్రదర్శించారు.తమదైన శైలిలో అడుగులు వేస్తూ,భక్తి గీతాలతో భక్తులను ఆకట్టుకున్నారు.భజన బృందం సభ్యుల ప్రతిభ,లయబద్ధమైన అడుగులు,భక్తిభావంతో కూడిన ప్రదర్శనను చూసిన స్థానికులు ఎంతగానో మెచ్చుకున్నారు.ఈ కార్యక్రమంలో ఇప్పటూరు గ్రామ ఉప సర్పంచ్ నర్సింహులు యాదవ్,వార్డు సభ్యులు అరవింద్,అరుణబాయి,సుధాకర్,శివలీలాశేఖర్,మంచాల యాదయ్య, శివాలయ చైర్మన్ మహేష్,నర్సింగారావు,గోపాల్,గణేష్,శ్రీహరి,రవి,సతీష్ తదితరులు పాల్గొన్నారు.అలాగే భజన మండలి సభ్యులు కరణ్ జీ,బలరాం,యాదయ్య తదితరులు పాల్గొని తమ అద్భుతమైన ప్రదర్శనతో కార్యక్రమాన్ని భక్తిమయంగా మార్చారు.ఇప్పటూరు భజన బృందం ప్రదర్శనకు ఉర్కొండపేట గ్రామస్తుల నుంచి విశేష ప్రశంసలు లభించాయి.
