తాండూరులో రేపు పోట్లి మహారాజ్ ఆలయ పునర్నిర్మాణ పనుల ప్రారంభం.. కొత్త శోభను సంతరించుకున్న దేవాలయం

తాండూరు, మేజర్ న్యూస్ (అక్టోబర్ 14): తాండూరు పట్టణంలోని ప్రసిద్ధ పోట్లి మహారాజ్ దేవాలయం పునర్నిర్మాణ పనులతో కొత్త శోభను సంతరించుకుంది. పట్టణ నడిబొడ్డున ఉన్న ఆలయ ప్రాంగణంలో శిథిలావస్థకు చేరిన పాత దుకాణాలను తొలగించి, వాటి స్థానంలో ఆధునిక హంగులతో కొత్త దుకాణాలను నిర్మించారు. అదేవిధంగా భక్తులను ఆకట్టుకునేలా గోపురాన్ని అందంగా తీర్చిదిద్దారు.పునర్నిర్మాణ పనులు పూర్తి కావడంతో గురువారం తాండూరు ఎమ్మెల్యే బుయ్యని మనోహర్ రెడ్డి చేతుల మీదుగా నూతన నిర్మాణాలను ప్రారంభించనున్నట్లు ఆలయ చైర్మన్ ఎస్. ప్రసాద్ గౌడ్ తెలిపారు. వ్యాపారులకు, ఆలయ పరిసరాల్లో నివసించే ప్రజలకు అనుకూలంగా ఉండేలా నూతన దుకాణాలను ఆధునిక రూపంలో నిర్మించినట్లు పేర్కొన్నారు. గోపురం నిర్మాణంతో ఆలయానికి మరింత ఆకర్షణీయమైన రూపం వచ్చిందన్నారు.అందరి సహకారంతోనే ఆలయ పునర్నిర్మాణ పనులు పూర్తి చేయగలిగామని చైర్మన్ ఎస్. ప్రసాద్ గౌడ్, ఆలయ కార్యనిర్వహణాధికారి నరేందర్ తెలిపారు. ప్రారంభోత్సవ కార్యక్రమానికి భక్తులు, పట్టణ ప్రజలు పెద్ద సంఖ్యలో హాజరై విజయవంతం చేయాలని వారు కోరారు.