telanagana
బషీరాబాద్ విద్యార్థులకు తీపి కబురు.. జిల్లా పరిషత్ హైస్కూల్‌ తెలంగాణ పబ్లిక్ స్కూల్‌గా అప్గ్రేడ్.. ఎమ్మెల్యే మనోహర్ రెడ్డి చొరవతో రూ.11 కోట్ల విడుదలకు జీవో జారీ
బషీరాబాద్, మేజర్ న్యూస్: బషీరాబాద్ మండల విద్యార్థులకు ప్రభుత్వం శుభవార్త అందించింది. మండలంలోని జిల్లా పరిషత్ ఉన్నత పాఠశాలను తెలంగాణ పబ్లిక్ స్కూల్‌గా అప్గ్రేడ్ చేస్తూ ప్రభుత్వం ఉత్తర్వులు జారీ చేసింది. తాండూరు ఎమ్మెల్యే బుయ్యని మనోహర్ రెడ్డి ప్రత్యేక చొరవతో పాఠశాల అభివృద్ధి కోసం రూ.11 కోట్లు విడుదల చేస్తూ జీవో నంబర్‌ ఆర్‌టీ 180 జారీ అయినట్లు సమాచారం.ఈ నిర్ణయంతో బషీరాబాద్ మండలంలోని విద్యార్థులకు మెరుగైన విద్యా సదుపాయాలు అందుబాటులోకి వచ్చే అవకాశం ఉంది. పాఠశాలను తెలంగాణ పబ్లిక్ స్కూల్‌గా అప్గ్రేడ్ చేయడం ద్వారా విద్యా ప్రమాణాల పెంపునకు, అవసరమైన మౌలిక సదుపాయాల అభివృద్ధికి మార్గం సుగమం కానుంది. ఎమ్మెల్యే మనోహర్ రెడ్డి చొరవతో ఈ నిర్ణయం తీసుకోవడంపై విద్యార్థులు, తల్లిదండ్రులు, స్థానికులు హర్షం వ్యక్తం చేస్తున్నారు.
