అండర్ డ్రైనేజీ పనులకు శంకుస్థాపన చేసిన సర్పంచ్ వట్టెల నిర్మల శ్రీశైలం యాదవ్

తలకొండపల్లి మండలం రాంపూర్ గ్రామపంచాయతీ పరిధిలోని సంగాయపల్లి గ్రామంలో 100 ఫీట్లు అండర్ డ్రైనేజీ పనులను  గ్రామ సర్పంచ్ వట్టెల నిర్మల–శ్రీశైలం యాదవ్ సంగాయపల్లి నాయకుల తో కలిసి పనులు ప్రారంభించారు. గ్రామంలో పారిశుద్ధ్యాన్ని మెరుగుపరచడంతో పాటు, మురుగునీటి సమస్యకు పరిష్కారం చూపే లక్ష్యంతో ఈ పనులకు శ్రీకారం చుట్టారు. గ్రామాల్లో మౌలిక సదుపాయాల అభివృద్ధికి ప్రాధాన్యత ఇవ్వాల్సిన అవసరం ఉందని, ముఖ్యంగా మురుగునీరు నిల్వ ఉండకుండా సరైన డ్రైనేజీ వ్యవస్థను ఏర్పాటు చేయడం ద్వారా ప్రజలకు మెరుగైన పారిశుద్ధ్య వాతావరణం కల్పించవచ్చని ఈ సందర్భంగా పేర్కొన్నారు. అండర్ డ్రైనేజీ వ్యవస్థ అందుబాటులోకి రావడం వల్ల గ్రామంలో మురుగునీటి నిర్వహణ సులభతరం కావడంతో పాటు పరిసరాల పరిశుభ్రతకు దోహదపడుతుందని తెలిపారు.
గ్రామ ప్రజలకు అవసరమైన మౌలిక వసతులన దశలవారీగా మెరుగుపరిచేందుకు కృషి చేస్తామని సర్పంచ్ పేర్కొన్నారు. గ్రామ అభివృద్ధిలో ప్రజల భాగస్వామ్యం కీలకమని, ప్రతి ఒక్కరూ పరిసరాల పరిశుభ్రతను కాపాడేందుకు సహకరించాలని సూచించారు.
అండర్ డ్రైనేజీ పనులు ప్రారంభం కావడంతో గ్రామంలో పారిశుద్ధ్య సమస్యలు తగ్గుతాయని స్థానికులు ఆశాభావం వ్యక్తం చేశారు.
ఈ కార్యక్రమంలో రాంపూర్ గ్రామ సర్పంచ్ వట్టెల నిర్మల-శ్రీశైలం యాదవ్, ఉప సర్పంచ్ సప్పిడి ఆంజనేయులు, వార్డు సభ్యులు పెరుమళ్ళ నరేష్ పబ్బ రమేష్, మాజీ ఉపసర్పంచ్ రవీందర్ రెడ్డి, మాజీ వార్డు సభ్యులు వేదం ఉదయ శంకర్, అనురాధ తిరుపతయ్య, నాయకులు వెంకటరెడ్డి, యువ నాయకుడు: పబ్బ సంపత్ కుమార్ తదితరులు పాల్గొన్నారు.

మేజర న్యూస్  తలకొండపల్లి, ….