జాతీయ సరస్ మేళాలో వైద్య శిబిరాలు, ఐసీయూ విభాగం పరిశీలన

విజయవాడ మేజర్ న్యూస్: జాతీయ సరస్ మేళా ప్రాంగణంలో ఏర్పాటు చేసిన వైద్య శిబిరాలు, అత్యవసర చికిత్స విభాగాన్ని ఆరోగ్యశాఖ ఉన్నతాధికారులు సందర్శించి పరిశీలించారు. ఆరోగ్య, కుటుంబ సంక్షేమ శాఖ సంచాలకుడు డాక్టర్ వెంకటరమణ, ఎన్టీఆర్ జిల్లా వైద్య ఆరోగ్యశాఖ అధికారి డాక్టర్ ఎ. శ్రావణ బాబు, జిల్లా ఆసుపత్రుల సమన్వయ అధికారి డాక్టర్ మాధవి దేవి వైద్య సేవల ఏర్పాట్లను సమీక్షించారు. మేళాకు వచ్చే ప్రజలు, సందర్శకులకు మెరుగైన వైద్య సేవలు అందించాలని, అత్యవసర పరిస్థితుల్లో తక్షణ చికిత్స అందించేందుకు వైద్య సిబ్బంది అప్రమత్తంగా ఉండాలని సూచించారు. అవసరమైన మందులు, వైద్య పరికరాలను అందుబాటులో ఉంచి, ఎలాంటి ఇబ్బందులు తలెత్తకుండా చర్యలు తీసుకోవాలని సంబంధిత అధికారులను ఆదేశించారు.

స్టాఫ్ రిపోర్టర్: ✍️ ప్రేమ్ రాజ్, విజయవాడ, ఎన్టీఆర్ జిల్లా.