పత్తి సాగుపై రైతులకు అవగాహన

మాడ్గుల మండలం ఇర్విన్ వ్యవసాయ క్లస్టర్ లో బుధవారం ప్రపంచ పత్తి దినోత్సవం సందర్భంగా రైతులకు అధిక సాంద్రత పద్ధతిలో పత్తి సాగుపై అవగాహన కార్యక్రమాన్ని నిర్వహించారు. రాశి సీడ్స్ వారిచే ఏర్పాటుచేసిన ఈ కార్యక్రమానికి మండల వ్యవసాయాధికారిణి డి.అరుణకుమారి హాజరై అధిక సాంద్రత పద్ధతిలో పత్తిపంట సాగు చేయడం వల్ల రైతులకు కలిగే ప్రయోజనాలు వివరించడంతో పాటు గ్రామ రైతు గాదెమోని జంగయ్య గౌడ్ అధిక సాంద్రత పద్ధతిలో సాగుచేసిన పత్తిపంటను చూపి క్షేత్రస్థాయిలో రైతులకు క్షుణ్ణంగా వివరించారు. ఈ కార్యక్రమంలో ఏఇఓలు జ్యోత్స్న, రాజేష్ నాయక్, రాశి సీడ్స్ ప్రతినిధులు, స్థానిక రైతులు పాల్గొన్నారు.

ఆర్. నర్సింహ్మ, మేజర్ న్యూస్ : మాడ్గుల