మధురాపురంలో కొండముచ్చుల భయం - పట్టించుకోని అధికారులు

అధికారులు స్పందిస్తారా? మధురాపురంలో కొండముచ్చుల దాడులతో వణుకుతున్న జనం….

ఫరూక్ నగర్ మండలం మధురాపురం గ్రామస్తులను కొండముచ్చుల భయం వెంటాడుతోంది. నిత్యం కొండముచ్చులు గ్రామంలోకి చొరబడి దాడులకు పాల్పడుతున్నా అధికారులు పట్టించుకోవడం లేదని గ్రామస్తులు ఆగ్రహం వ్యక్తం చేస్తున్నారు. తాజాగా బుధవారం కొమ్మగంటి పరందాములు, పార్వతమ్మ అనే ఇద్దరిపై కొండముచ్చులు దాడి చేసి గాయపరిచాయి. దీంతో గ్రామంలో భయాందోళనలు మరింత పెరిగాయి. గతంలోనూ ఇలాంటి ఘటనల్లో పలువురు తీవ్రంగా గాయపడి ఆసుపత్రుల పాలయ్యారు. పిల్లలు, మహిళలు, వృద్ధులు ఇంటి బయటకు రావాలంటేనే వణికిపోతున్నారు. ఎప్పుడు, ఎక్కడి నుంచి వస్తాయో తెలియక ప్రజలు కంటిమీద కునుకు లేకుండా గడుపుతున్నారు.

కొండముచ్చులను పట్టుకునేందుకు అటవీ శాఖ  ప్రత్యేక నిపుణుల బృందం వారిని రప్పించి గ్రామం నుంచి తరలిస్తేనే శాశ్వత పరిష్కారం లభిస్తుందని గ్రామస్తులు కోరుతున్నారు. ఇప్పటికైనా ప్రజాప్రతినిధులు, అధికారులు స్పందించి తమకు రక్షణ కల్పించాలని వేడుకుంటున్నారు.

M. నరసింహ రెడ్డి , మేజర్ న్యూస్, ఫరూక్ నగర్….