ఢిల్లీలో టిపిసిసి ప్రధాన కార్యదర్శి ఏనుగు జంగారెడ్డి నిరసన

ఢిల్లీలో టిపిసిసి ప్రధాన కార్యదర్శి ఏనుగు జంగారెడ్డి నిరసన

సీఈసీ జ్ఞానేశ్ కుమార్ రాజీనామా చేయాలని డిమాండ్

దేశ ప్రధాన ఎన్నికల కమిషనర్ జ్ఞానేశ్ కుమార్ వెంటనే రాజీనామా చేయాలని డిమాండ్ చేస్తూ ఏఐసీసీ, టీపీసీసీ ఆదేశాల మేరకు ఢిల్లీలో కాంగ్రెస్ పార్టీ నాయకులు భారీ పాదయాత్ర, నిరసన కార్యక్రమం నిర్వహించారు. ఈ కార్యక్రమంలో మహేశ్వరం నియోజకవర్గానికి చెందిన టీపీసీసీ ప్రధాన కార్యదర్శి ఏనుగు జంగారెడ్డి, సార్లపల్లి గ్రామ సర్పంచ్ ఇస్లావత్ శీను నాయక్‌తో పాటు పలువురు కాంగ్రెస్ నాయకులు పాల్గొన్నారు.
ఈ సందర్భంగా జంగారెడ్డి మాట్లాడుతూ.. ఎన్నికల వ్యవస్థలో పారదర్శకతను కాపాడాలని, ప్రజాస్వామ్య విలువలను పరిరక్షించాలని డిమాండ్ చేశారు. ఎన్నికల కమిషనర్ జ్ఞానేశ్ కుమార్ రాజీనామా చేయాలని నినాదాలు చేస్తూ తమ నిరసనను వ్యక్తం చేశారు.

టి. శ్రీనివాస్ : మేజర్ న్యూస్, కందుకూరు.