మహిళల ఆరోగ్యానికి ప్రభుత్వాల ప్రాధాన్యత అంగన్‌వాడీ సిబ్బందికి సన్మానం
జంగారెడ్డిగూడెం-మేజర్ న్యూస్పట్టణంలోని రాజుల కాలనీ 6వ సచివాలయం వద్ద సేవా సంకల్ప్ అభియాన్‌లో భాగంగా సోమవారం ఆయుష్మాన్ భారత్ వైద్య శిబిరం, లబ్ధిదారులతో సమావేశం నిర్వహించారు.ఈ సందర్భంగా బీజేపీ చింతలపూడి నియోజకవర్గ సమన్వయకర్త కొప్పాక శ్రీనివాసరావు మాట్లాడుతూ, గర్భిణులు, బాలింతలు, చిన్నారుల ఆరోగ్య పరిరక్షణకు కేంద్ర ప్రభుత్వం పలు సంక్షేమ పథకాలు అమలు చేస్తోందన్నారు. మహిళల ఆరోగ్యమే కుటుంబ ఆరోగ్యానికి పునాది అని పేర్కొన్నారు.పట్టణ బీజేపీ అధ్యక్షుడు తాటికొండ సుధాకర్ మాట్లాడుతూ, ప్రభుత్వ పథకాల అమలుపై లబ్ధిదారుల అభిప్రాయాలు తెలుసుకోవాలని, ప్రజలకు సేవలందిస్తున్న అంగన్‌వాడీ, ఆశా కార్యకర్తలను ప్రోత్సహించాలని తెలిపారు. అనంతరం అంగన్‌వాడీ సిబ్బంది షేక్ సబీనా బేగం, నీలి పుష్పలను శాలువాలతో సత్కరించారు.కార్యక్రమంలో అంగన్‌వాడీ సూపర్‌వైజర్ లక్ష్మీరాజ్యం, ఏఎన్‌ఎం సూపర్‌వైజర్లు సలోని, మున్నా, వార్డు మాజీ కౌన్సిలర్ నంబూరి రామచంద్రరావు, తెలుగు మహిళ నాయకురాలు పగడం సౌభాగ్యవతి, జిల్లా బీజేపీ ఉపాధ్యక్షుడు వేమూరి శ్రీనివాసరావు, ఇతర నాయకులు పాల్గొన్నారు.
రిపోర్టర్ కెవి రమణ రావు జంగారెడ్డిగూడెం ఏలూరు జిల్లా
