యువత మత్తు పదార్థాలకు దూరంగా ఉండాలి

యువత మత్తు పదార్థాలకు అలవాటుపడి బంగారు భవిష్యత్తును నాశనం చేసుకోవద్దని ఎస్సైలు శిరీష, వెంకటేశ్వర్లు సూచించారు. చేవెళ్లలోని వివేకానంద, జాగృతి  కళాశాలల్లో ఏబీవీపీ ఆధ్వర్యంలో బుధవారం నిర్వహించిన ‘నిషా ముక్త్‌ యువ’ అవగాహన కార్యక్రమంలో వారు మాట్లాడారు. డ్రగ్స్‌ వినియోగం ఆరోగ్యానికి హానికరమని, వాటి విక్రయాలు లేదా వినియోగం గుర్తిస్తే వెంటనే డయల్‌ 100కు సమాచారం ఇవ్వాలని కోరారు. అనంతరం విద్యార్థులతో డ్రగ్స్‌ రహిత సమాజ నిర్మాణానికి ప్రతిజ్ఞ చేయించారు. భాజపా చేవెళ్ల మున్సిపల్ అధ్యక్షుడు అనంతరెడ్డి, వైభవ్ రెడ్డి, విద్యార్థి నాయకులు సూర్య ప్రకాష్, ప్రవీణ్ తదితరులు పాల్గొన్నారు. 

చేవెళ్ల, మేజర్ న్యూస్ (అక్టోబర్ 12)