సమస్త వేదవేదాంగాలకు అధిదేవత గాయత్రిమాత

వాసవి పెనుగొండ,సూర్య న్యూస్:శరన్నవరాత్రి మహోత్సవాల్లో భాగంగా రెండో రోజు పెనుగొండ వాసవి శాంతిదాంలో అమ్మవారిని గాయత్రీ దేవిగా అలంకరించి విశేష పూజలు నిర్వహించారు. ఆలయ ప్రధాన అర్చకులు మణికంఠ శర్మ మాట్లాడుతూ గాయత్రిమాత సమస్త వేదవేదాంగాలకూ అధిదేవత. ఆమె జ్ఞానదాయిని. స్కాంద పురాణం ప్రకారం గాయత్రీదేవికి మరోపేరే సరస్వతి. అయిదు ముఖాలుగా అభివర్ణించే గాయత్రీమాతను పద్మాసినిగా కొలవటం ఆనవాయితీ. అమ్మవారి పంచముఖాలను ప్రాణ, అపాన, వ్యాన, ఉదాన, సమానాలకు ప్రతీకలుగా భావిస్తారు. అలాగే పంచభూతాలైన భూమి, జలం, అగ్ని, గాలి, ఆకాశాలను కూడా అమ్మవారి అయిదు ముఖాలుగా భావించి ఆరాధిస్తారు.గాయత్రీదేవి మహాశివుడిలా మూడు నేత్రాలతో దర్శనమిస్తుంది.‘సకల దేవతల శక్తిసంపత్తులు నిబిడీకృతం చేసుకున్న ఏకైక మంత్రం ‘గాయత్రీ మంత్రం’ అందుకే అన్ని మంత్రాలు గాయత్రీ మంత్రంలో లయమవుతాయి అని తెలిపారు.

రిపోర్టర్ : పి.వెంకట్రామయ్య, పెనుగొండ, పశ్చిమ గోదావరి జిల్లా,