కబడ్డీ పోటీలను ప్రారంభించిన మంత్రి అచ్చెన్నాయుడు

కోటబొమ్మాళి, అక్టోబరు 12, మేజర్ న్యూస్: కొత్తమ్మతల్లి ఉత్సవాల్లో భాగంగా నాలుగు రోజులు పాటు జరగనున్న బాలికలు, పురుషులు రాష్ట్ర స్థాయి కబడ్డీ పోటీలను రాష్ట్ర వ్యవసాయ శాఖా మంత్రి కింజరాపు అచ్చెన్నాయుడు ప్రారంభించారు.  స్థానిక జిల్లా పరిషత్ బాలుర ప్రభుత్వ పాఠశాల మైదానంలో సోమవారం సాయంత్రం ఈ పోటీలను ఉత్సాహంగా ప్రారంభమయ్యాయి. తొలుత బాలికల కబడ్డీ పోటీలలో కర్నూలు, కృష్ణా జిల్లాల జట్ల మధ్య అలాగే కడప, శ్రీకాకుళం జట్ల మధ్య పురుషులు కబడ్డీ పోటీలు ఉల్లాసంగా జరిగాయి. రాష్ట్ర స్థాయిలో 12 జిల్లాల బాలిక కబడ్డీ జట్లు, 21 పురుషుల జట్లు పాల్గొన్నాయి. క్రీడాకారులకు గెలుపు ఓటమిలను సమానంగా తీసుకుని క్రీడా స్పూర్తిని, స్నేహభావాన్ని ప్రదర్శించాలని మంత్రి క్రీడాకారులకు సూచించారు.. ఈ కార్యక్రమంలో దేశం నేతలు కింజరాపు హరివరప్రసాద్, బోయిన రమేష్, వెలమల విజయలక్ష్మి, కామేశ్వరరావు, టెక్కలి ఆర్డీవో ఎం. కృష్ణమూర్తి, క్రీడాభిమానులు ఉన్నారు.

సీతన్నపేట గ్రామ అభివృద్ధికి ప్రత్యేక చర్యలు:
కోటబొమ్మాళి మేజరు పంచాయతీ సీతన్నపేట గ్రామ అభివృద్ధికి ప్రత్యేక చర్యలు చేపడతానని రాష్ట్ర వ్యవసాయశాఖామంత్రి కింజరాపు అచ్చెన్నాయుడు అన్నారు. ఆయన సోమవారం సాయంత్రం రూ. 1.50 కోట్లు అంచనా వ్యయంతో చేపట్టనున్న అభివృద్ధి పనులను ఆయన ప్రారంభించారు. త్రాగునీటికోసం గ్రామస్థులం తీవ్ర ఇబ్బందులు పడుత న్నామని మంత్రి అచ్చెన్నాయుడు తీసుకురాగా త్వరలో ఇంటింటికి కొళాయిల ద్వారా త్రాగునీరు అందించటం జరుగుతుందని, అప్పటివరకు ట్యాంకర్ల ద్వారా త్రాగునీరు అందించాలని అధికారులను ఆదేశించారు. ఈ కార్యక్రమంలో దేశం నాయకులు, గ్రామ పెద్దలు పాల్గొన్నారు.