telanagana
ఆరుట్లలో ఇంద్రారెడ్డి జయంతి వేడుకలు
ఆరుట్లలో ఇంద్రారెడ్డి జయంతి వేడుకలు
ప్రజా సమస్యలపై పోరాడిన గొప్ప నాయకుడు ఇంద్రారెడ్డి : కాంగ్రెస్ నాయకులు
ఉమ్మడి ఆంధ్రప్రదేశ్‌ మాజీ హోంశాఖ మంత్రి స్వర్గీయ పటోళ్ల ఇంద్రారెడ్డి 72వ జయంతి వేడుకలను ఆదివారం ఆరుట్ల గ్రామంలో కాంగ్రెస్ పార్టీ ఆధ్వర్యంలో నిర్వహించారు. ఈ సందర్భంగా ఇంద్రారెడ్డి విగ్రహానికి పూలమాలలు వేసి నివాళులర్పించారు. మంచాల వ్యవసాయ సహకార సంఘం చైర్మన్ వెదిరె హన్మంత్‌రెడ్డి, కాంగ్రెస్ నాయకులు కొంగర విష్ణువర్ధన్‌రెడ్డి, ముచ్చర్ల వెంకటేష్‌యాదవ్‌ మాట్లాడుతూ.. ఇంద్రారెడ్డి విద్యార్థి దశ నుంచే ప్రజా సమస్యలపై పోరాడారని, హోంశాఖ మంత్రిగా ప్రజలకు విశేష సేవలందించారని తెలిపారు. ఆయన సేవలు చిరస్మరణీయమని అన్నారు. కార్యక్రమంలో పలువురు కాంగ్రెస్ నాయకులు, కార్యకర్తలు పాల్గొన్నారు.
ఎర్ర లింగం, సూర్య, మేజర్ న్యూస్, మంచాల
