నేషనల్ పార్క్ పూర్వవైభవానికి 31 రోజుల కార్యాచరణ

అనంతపురం బ్యూరో : టీడీపీ మాజీ ఎమ్మెల్యే వైకుంఠం ప్రభాకర్ చౌదరిని నవతరం పార్టీ రాయలసీమ ఇన్‌చార్జి రాయల్ మురళీకృష్ణ, జిల్లా అధ్యక్షుడు మునగల సునీల్ కుమార్ మర్యాదపూర్వకంగా కలిశారు.

డిసెంబర్ 18, 2026 నాటికి అనంతపురం నేషనల్ పార్క్ 30 సంవత్సరాలు పూర్తి చేసుకోనున్న సందర్భంగా వారు అభినందనలు తెలిపారు. నేషనల్ పార్క్‌కు పూర్వవైభవం తీసుకురావడానికి ప్రజా సంఘాలు, రాజకీయ పార్టీలు, ప్రజలు, మీడియా ప్రతినిధులు కలిసికట్టుగా పనిచేయాలన్న ప్రభాకర్ చౌదరి పిలుపునకు స్పందిస్తూ, నవతరం పార్టీ తరఫున 31 రోజుల కార్యాచరణ చేపడతామని రాయల్ మురళీకృష్ణ తెలిపారు. ఈ విషయంపై ప్రభాకర్ చౌదరి హర్షం వ్యక్తం చేసి కృతజ్ఞతలు తెలిపారు.