చేతికొచ్చిన వరి పంట ఎండిపోతున్న పట్టించుకోరా….?

ఉద్దె మర్రి సబ్‌స్టేషన్ వద్ద రైతుల నిరసన

శామీర్‌పేట, మేజర్ న్యూస్ (అక్టోబర్ 4):

మేడ్చల్ మల్కాజ్గిరి జిల్లా మూడు చింతలపల్లి మున్సిపాలిటీ పరిధిలోని ఉద్దెమర్రి గ్రామంలో త్రీఫేజ్ విద్యుత్ సరఫరా సక్రమంగా లేకపోవడంతో రైతులు ఆందోళనకు దిగారు. త్రీఫేజ్ విద్యుత్ కోసం సబ్‌స్టేషన్ వద్దకు చేరుకున్న రైతులు, నిర్దేశిత సమయాల్లో విద్యుత్ సరఫరా కావడం లేదని ఆవేదన వ్యక్తం చేశారు.చేతికొచ్చిన దశలో ఉన్న వరి పంటకు నీరు అందక ఎండిపోయే పరిస్థితి ఏర్పడిందని రైతులు వాపోయారు. పంటను కాపాడుకునేందుకు విద్యుత్ కోసం ఎదురుచూస్తున్నా సమస్య పరిష్కారం కావడం లేదని ఆరోపించారు. విద్యుత్ సరఫరాలో అంతరాయాల కారణంగా పంటలకు తీవ్ర నష్టం వాటిల్లే ప్రమాదం ఉందని ఆందోళన వ్యక్తం చేశారు.త్రీఫేజ్ విద్యుత్‌ను నిర్దేశిత సమయాల్లో నిరంతరాయంగా సరఫరా చేసి పంటలను కాపాడాలని రైతులు డిమాండ్ చేశారు. సమస్యను వెంటనే పరిష్కరించకపోతే ఆందోళనను మరింత ఉధృతం చేస్తామని హెచ్చరించారు.

రిపోర్టర్ తాటికొండ రవి గౌడ్.