సేవా సంకల్పంతో మెగా హెల్త్ క్యాంప్

ప్రభుత్వ ఆసుపత్రిలో గైనకాలజీ విభాగం, వాటర్ ప్లాంట్ ప్రారంభించిన ఎరిక్షన్ బాబు

యర్రగొండపాలెం మేజర్ న్యూస్ 

భారత ప్రధానమంత్రి నరేంద్ర మోదీ జన్మదినాన్ని పురస్కరించుకుని నిర్వహిస్తున్న సేవా కార్యక్రమాల్లో భాగంగా సేవా సంకల్ప అభియాన్ ఆధ్వర్యంలో యర్రగొండపాలెం ప్రభుత్వ ఆసుపత్రిలో సోమవారం మెగా హెల్త్ క్యాంప్ నిర్వహించారు. ఈ కార్యక్రమంలో యర్రగొండపాలెం నియోజకవర్గ టీడీపీ ఇన్‌చార్జి గూడూరి ఎరిక్షన్ బాబు పాల్గొన్నారు.ఈ సందర్భంగా ప్రభుత్వ ఆసుపత్రిలో నూతనంగా ఏర్పాటు చేసిన గైనకాలజీ విభాగాన్ని, వాటర్ ప్లాంట్‌ను ఎరిక్షన్ బాబు ప్రారంభించారు. అనంతరం మెగా హెల్త్ క్యాంప్‌లో అందిస్తున్న వైద్య సేవలను పరిశీలించారు. ఆసుపత్రికి వచ్చే ప్రజలకు మెరుగైన వైద్య సేవలు అందించడంతో పాటు, తాగునీటి సౌకర్యం అందుబాటులో ఉండటం ద్వారా రోగులు, వారి సహాయకులకు ప్రయోజనం కలుగుతుందని నిర్వాహకులు తెలిపారు.ప్రధానమంత్రి నరేంద్ర మోదీ జన్మదినం సందర్భంగా సేవా కార్యక్రమాలను నిర్వహించడం ద్వారా ప్రజలకు ప్రత్యక్షంగా ఉపయోగపడే కార్యక్రమాలను చేపడుతున్నట్లు నిర్వాహకులు పేర్కొన్నారు. ఆరోగ్య పరిరక్షణపై ప్రజల్లో అవగాహన కల్పించడంతో పాటు అవసరమైన వారికి వైద్య సేవలు అందించడమే మెగా హెల్త్ క్యాంప్ ఉద్దేశమని తెలిపారు.కార్యక్రమంలో యర్రగొండపాలెం మండల టీడీపీ అధ్యక్షుడు చిట్యాల వెంగల్ రెడ్డి, మండల కూటమి నాయకులు, టీడీపీ నాయకులు, కార్యకర్తలు, వైద్య సిబ్బంది తదితరులు పాల్గొన్నారు.