హిందూ స్మశాన వాటికను అభివృద్ధి చేసి, కంచె ఏర్పాటు చేయాలని రాష్ట్ర మంత్రి ఎన్‌ఎండి ఫరూక్కు వినతి
నంద్యాల బ్యూరో:
నంద్యాల పట్టణ పరిధిలోని పొన్నాపురం గ్రామం, బసవతారక నగర్ (పొన్నాపురం కాలనీ) పరిసరాల్లో ఉన్న హిందూ స్మశాన వాటికను సమగ్రంగా అభివృద్ధి చేయాలని, ఆక్రమణలను అరికట్టి రక్షణ కంచె (ఫెన్సింగ్) ఏర్పాటు చేయాలని కోరుతూ కాలనీ వాసులు ఆంధ్రప్రదేశ్ రాష్ట్ర న్యాయ, మైనార్టీ సంక్షేమ శాఖ మంత్రి ఎన్‌ఎండి ఫరూక్కు వినతిపత్రం సమర్పించారు. నంద్యాలలోని మంత్రి క్యాంపు కార్యాలయంలో 22వ వార్డు టీడీపీ ఇంచార్జి షేక్ మహమ్మద్ రఫీ (మున్నా) ఆధ్వర్యంలో స్థానిక నాయకులు, స్మశాన వాటిక కమిటీ సభ్యులు మంత్రి ఫరూక్ ని మర్యాదపూర్వకంగా కలిసి వినతిపత్రం అందజేశారు. ఈ సందర్భంగా షేక్ మహమ్మద్ రఫీ (మున్నా) మాట్లాడుతూ కాలనీలోని హిందూ స్మశాన వాటిక స్థలం ఆక్రమణలకు గురవుతోందని అన్నారు . రెవెన్యూ అధికారులతో పూర్తిస్థాయిలో సర్వే చేయించి, నిర్దేశిత స్థలాన్ని స్మశాన వాటికకు కేటాయించాలని కోరారు. చుట్టూ పటిష్టమైన కంచె నిర్మించడంతో పాటు తాగునీరు, విద్యుత్, అంతర్గత రహదారులు వంటి ప్రాథమిక సౌకర్యాలు కల్పించి అభివృద్ధి చేయాలని మంత్రి ఫరూక్ దృష్టికి తీసుకెళ్లారు. సమస్యలపై సానుకూలంగా స్పందించిన మంత్రి ఫరూక్, తగిన చర్యలు తీసుకుంటామని హామీ ఇచ్చారు. ఈ కార్యక్రమంలో జనార్దన్ గౌడ్, ఖాజా శంకర్, మా భాష మరియు హిందూ స్మశాన వాటిక కమిటీ సభ్యులు జాకటి శేఖర్, పుట్టా నాగరాజు, రమేష్ అయ్య, శ్రీరాములు బాల్లవరం, ఎస్. శ్రీహరి, జి. వీరకుమార్, ఆర్. వెంకటరాయుడు, కె. శేషు గౌడ్, పున్నయ్య, నాగ మద్దిలేటి, ఎం. వెంకటరమణ, దాసరి వెంకటేశ్వర్లు, రమణ చాకలి, బాదుల్లా, ఓ. పామన్న, ఎన్. సుబ్బయ్య, కొత్తూరు ఎస్వీ ప్రసాద్, ఓ. అంకన్న, నాగేశం చాకలి, పుల్లయ్య, టి. బాలు మరియు స్థానిక ప్రజలు పాల్గొన్నారు.
