చుంచుపల్లి తండా వాసి మృతి.. .హరికృష్ణ మృతి పై పలు అనుమానాలు..?

చుంచుపల్లి తండా వాసి మృతి.. 

.హరికృష్ణ మృతి పై పలు అనుమానాలు..?

చుంచుపల్లి,సూర్య (మేజర్ న్యూస్) మండలంలోని చుంచుపల్లి తండాకు చెందిన ధరావత్ హరికృష్ణ (37) అనుమానస్పద స్థితిలో మృతి చెందిన సంఘటన ఆదివారం అర్ధరాత్రి చోటు చేసుకుంది. ఇందుకు సంబంధించిన స్థానికులు, పోలీసులు తెలిపిన వివరాలపరకారం.. మృతుడు ఆదివారం అర్ధరాత్రి నాడు హౌసింగ్ బోర్డు నుంచి చుంచుపల్లి తండాకు ద్విచక్ర వాహనంపై వెళ్తుండగా మార్గమధ్యలో అదుపుతప్పి కిందపడటంతో తలకు తీవ్ర గాయమై మృతి చెందినట్లు  తెలిపారు. ప్రమాద సమయంలో హరికృష్ణ మద్యం సేవించి ఉన్నట్లు పోలీసులు పేర్కొన్నారు.

అయితే రాత్రి సమయంలో ఒంటరిగా వెళ్తున్న హరికృష్ణ ప్రమాదానికి గురై మృతి చెందడంపై పలువురు అనుమానాలు వ్యక్తం చేస్తున్నారు. ఎవరైనా దాడి చేసి అనంతరం ప్రమాదంగా చిత్రీకరించి ఉండొచ్చన్న అనుమానాలను మృతుడి బంధువులు వ్యక్తం చేస్తున్నారు. ఈ కోణంలోనూ పోలీసులు సమగ్రంగా దర్యాప్తు చేయాలని వారు కోరుతున్నారు.

మృతుడికి ఇద్దరు పిల్లలు ఉన్నారు. మృతుడి బంధువుల ఫిర్యాదు మేరకు కేసు నమోదు చేసి అన్ని కోణాల్లో దర్యాప్తు చేస్తున్నట్లు ఎస్సై రవికుమార్ తెలిపారు.