సిద్ధిపురంలో అంగన్వాడీ సిబ్బందికి ఘన సన్మానం

బీజేపీ రాష్ట్ర పార్టీ ఆదేశాల మేరకు అంగన్వాడీ ఉత్సవం
సంగం మేజర్ న్యూస్ :   సంగం మండలం సిద్ధిపురం గ్రామంలో బీజేపీ, టీడీపీ కూటమి నాయకుల ఆధ్వర్యంలో అంగన్వాడీ ఉత్సవ కార్యక్రమాన్ని ఘనంగా నిర్వహించారు. బీజేపీ రాష్ట్ర పార్టీ ఆదేశాల మేరకు నిర్వహించిన ఈ కార్యక్రమంలో గ్రామంలోని అంగన్వాడీ టీచర్లు, ఆయాలను శాలువాలతో ఘనంగా సన్మానించి అభినందించారు.
ఈ సందర్భంగా నాయకులు మాట్లాడుతూ.. దేశవ్యాప్తంగా అంగన్వాడీ కేంద్రాల ద్వారా చిన్నారులకు విద్యాబోధనతో పాటు పోషకాహారం, ప్రాథమిక సంరక్షణ సేవలను అందిస్తున్న అంగన్వాడీ సిబ్బంది సేవలను గుర్తించి గౌరవించడమే ఈ కార్యక్రమం ప్రధాన ఉద్దేశమని తెలిపారు. ముఖ్యంగా గ్రామీణ ప్రాంతాల్లో చిన్నారులు, తల్లులు, మహిళలకు అంగన్వాడీ సిబ్బంది అందిస్తున్న సేవలు అభినందనీయమని పేర్కొన్నారు.
అంగన్వాడీ సిబ్బంది సీహెచ్. లక్ష్మమ్మ, సుభాషిణి, పి. సుబ్బలక్ష్మి, అమూల్యలను శాలువాలతో సన్మానించి అభినందించారు.
ఈ కార్యక్రమంలో సంగం మండల బీజేపీ నాయకులు మనోహర్ రెడ్డి, కాటుబోయినా నరేంద్ర యాదవ్, టీడీపీ నాయకులు, అన్నారెడ్డిపాలెం సాగునీటి సంఘం అధ్యక్షులు సూరా శ్రీనివాసులు రెడ్డి, బీజేపీ నాయకులు సూరా కృష్ణారెడ్డి, కూటమి నాయకులు, కార్యకర్తలు, గ్రామస్థులు తదితరులు పాల్గొన్నారు.