టిడిపి కూటమి ఆశయాలే రాష్ట్ర ప్రగతికి నిదర్శనం

టిడిపి కూటమి ఆశయాలే రాష్ట్ర ప్రగతికి నిదర్శనం

- మహమ్మద్ షబ్బీర్, దేవర్ల చంద్రశేఖర్ రెడ్డి (దిల్ మాంగే)

వేంపల్లె మేజర్ న్యూస్:
టిడిపి కూటమి ప్రభుత్వ ఆశయాలే రాష్ట్రాభివృధ్ధికి, రాష్ట్ర ప్రగతికి నిదర్శనమని టిడిపి నేతలు మహమ్మద్ షబ్బీర్, దేవర్ల చంద్రశేఖర్ రెడ్డి(దిల్ మాంగే)లు వెల్లడించారు. సోమవారం ప్రొద్దుటూరులో జల జీవన్ మిషన్ వాటర్ గ్రిడ్ ప్రారంభోత్సవ కార్యక్రమంలో టిడిపి నాయకులు పాల్గొన్నారు. ఈ సందర్భంగా వారు మాట్లాడుతూ ఏపి సిఎం చంద్రబాబు, డిసిఎం పవన్ కళ్యాణ్ చేతుల మీదుగా రూ.30 వేల కోట్ల వ్యయంతో ప్రతి ఇంటికి సురక్షితమైన తాగునీరు అందించేందుకు చేపడుతున్న జల్ జీవన్ మిషన్ 2.0 అమరజీవి జలధార పనులకు శ్రీకారం చుట్టారన్నారు. రాష్ట్ర అభివృద్ధి, భవిష్యత్ ప్రణాళికలకు సంబంధించి టిడిపి కూటమి ప్రభుత్వం పలు కీలక ఆశయాలు, ప్రజలకు ఇచ్చిన హామీలు నెరవేర్చుతూ వస్తుందన్నారు. రాష్ట్ర శ్రేయస్సు, ఆర్థిక వృద్ధిని సాధించడమే లక్ష్యంగా టిడిపి కూటమి ప్రభుత్వం పనిచేస్తోందన్నారు. ఈ కార్యక్రమంలో తెలుగు యువత ఉపాధ్యక్షుడు గంగాధర్ రెడ్డి, అల్తాఫ్, సేఠ్, బాషా, గంగాధర్ తదితరులు పాల్గొన్నారు.