సచివాలయం ఉద్యోగికి ఘన సన్మానం

చీపురుపల్లి అక్టోబర్ 5 మేజర్ న్యూస్ :

 గరివిడి మండలం గెడ్డపువలస గ్రామంలో మహిళా పోలీస్ గా విధులు నిర్వహిస్తున్న కోరాడ రమ్యరాణి విధినిర్వహణలో భాగంగా ఇటీవల పెన్షన్ పంపిణీలో మాతృత్వాన్ని చాటుకుంది.  తన బిడ్డను ఒడిలో పెట్టుకుని  ప్రభుత్వం అందజేస్తున్న పెన్షన్లను లబ్ధిదారులకు పంపిణీ చేయడం పట్ల జిల్లా కలెక్టర్ సైతం అభినందించారు.  ఇదిలా ఉండగా మండల స్థాయిలో తహసిల్దార్ బంగార్రాజు, ఎంపీడీవో సుబ్రహ్మణ్యం, సచివాలయ సిబ్బంది ఆమెను సోమవారం ఘనంగా సన్మానించారు. చంటి పిల్లలను సైతం భుజాన వేసుకొని పెన్షన్ పంపిణీ చేయడం రాష్ట్రంలో మొదటి స్థాయిగా నిలిచిందని ఆమె సేవలను కొనియాడారు.   ఈ సందర్భంగా ఆమె మాట్లాడుతూ తన చంటి బిడ్డతో పాటు మంచాన పడి ఉన్న వృద్ధులు, వికలాంగులు కూడా తన పిల్లలతో సమానం అంటూ పెన్షన్ల పంపిణీకి తన బిడ్డతో హాజరై విధులు నిర్వహించానని, అందుకు అధికారులు గుర్తించి సన్మానం చేయడం ఆనందంగా ఉందని ఇందుకు అందరికీ కృతజ్ఞతలు తెలిపారు. తన కృషి వెనుక తండ్రి కోరాడ రామకృష్ణ, తల్లి కోరాడ రమ, భర్త అజారుద్దీన్ ల సహకారం తోపాటు గుర్ల  మండలం వల్లాపురం గ్రామపంచాయతీ కార్యదర్శి జే అచ్యుతరావు సూచనలు కూడా ఉన్నాయని ఈ సందర్భంగా సన్మాన గ్రహీతలకు ఆమె వివరించారు. ఈ కార్యక్రమంలో గరివిడి  ఆర్ఐ అచ్యుతరావు, మండల పరిషత్, రెవిన్యూ, సచివాలయం సిబ్బంది  పాల్గొన్నారు.