భాకరాపురం పెండింగ్ పనులు పూర్తి చేయాలని ఆదేశం
యర్రగుడిపల్లిలో యూజీడీ సమస్యకు పరిష్కార చర్యలు
భాకరాపురం పెండింగ్ రోడ్డు పనులు పూర్తి చేయాలని ఆదేశం
పులివెందుల మేజర్ న్యూస్:
పులివెందుల మున్సిపాలిటీ పరిధిలోని యర్రగుడిపల్లి ప్రాంతంలో గత ఎనిమిది నెలలుగా ప్రజలను ఇబ్బందులకు గురిచేస్తున్న యూజీడీ సమస్య పరిష్కారానికి చర్యలు ప్రారంభమయ్యాయి. మున్సిపల్‌ ఇన్‌చార్జ్‌ వైఎస్‌ మనోహర్‌ రెడ్డి ప్రత్యేక చొరవ తీసుకుని తన సొంత నిధులతో మోటార్‌ను ఏర్పాటు చేసి, యూజీడీలో నిలిచిపోయిన మురుగునీటిని బయటకు పంపింగ్‌ చేయించారు.
సుమారు నాలుగు గంటల పాటు ఎండలోనే అక్కడ ఉండి పనులను స్వయంగా పర్యవేక్షించారు. సమస్యకు శాశ్వత పరిష్కారం కల్పించే దిశగా అవసరమైన చర్యలు చేపట్టనున్నట్లు ఆయన తెలిపారు. దీంతో యర్రగుడిపల్లి ప్రజలకు కొంత ఉపశమనం లభించింది.
అలాగే భాకరాపురంలో పెండింగ్‌లో ఉన్న రోడ్డు పనులను పరిశీలించిన వైఎస్‌ మనోహర్‌ రెడ్డి, పనులను త్వరితగతిన పూర్తి చేయాలని కాంట్రాక్టర్‌ను ఆదేశించారు.
ఈ కార్యక్రమంలో పట్టణ ఉపాధ్యక్షుడు పార్నపల్లి కిషోర్‌, సీనియర్‌ వైసీపీ నాయకులు కోడి రమణ, మాజీ కౌన్సిలర్‌ పురుషోత్తం, మాజీ కో-ఆప్షన్‌ సభ్యుడు చంద్రమౌళి, నాయకులు భాస్కర్‌, కృష్ణమూర్తి, సుమిత్రన్‌ తదితరులు పాల్గొన్నారు.
