స్వచ్ఛ పంచాయతీగా పత్తికొండకు రాష్ట్రస్థాయి పురస్కారం

పత్తికొండ, సూర్య ప్రతినిధి మేజర్ న్యూస్:

స్వచ్ఛ ఆంధ్ర అవార్డ్స్–2026లో భాగంగా పత్తికొండ గ్రామ పంచాయతీ రాష్ట్రస్థాయిలో ఉత్తమ 'స్వచ్ఛ గ్రామపంచాయతీ'గా ఎంపికైంది. విజయవాడలో జరిగిన ప్రత్యేక కార్యక్రమంలో రాష్ట్ర ముఖ్యమంత్రి నారా చంద్రబాబు నాయుడు గారి చేతుల మీదుగా అధికారులు ఈ ప్రతిష్టాత్మక అవార్డును స్వీకరించారు.

గ్రామంలో పారిశుద్ధ్య నిర్వహణ, తడి-పొడి చెత్త సేకరణ, పచ్చదనం పెంపొందించడంలో గ్రామ పంచాయతీ కనబరిచిన ప్రతిభకు గాను ఈ అవార్డు లభించింది.

డిప్యూటీ ఎంపీడీఓకు ఘన సన్మానం:

రాష్ట్రస్థాయి అవార్డును సాధించడంలో కీలకపాత్ర పోషించిన పత్తికొండ డిప్యూటీ ఎంపీడీఓను గ్రామ పంచాయతీ కార్యాలయంలో సిబ్బంది సోమవారం ఘనంగా సన్మానించారు. ఆయనకు పూలమాలలు వేసి, శాలువాతో సత్కరించి అభినందనలు తెలిపారు.

ఈ సందర్భంగా డిప్యూటీ ఎంపీడీఓ మాట్లాడుతూ— గ్రామాన్ని పరిశుభ్రంగా ఉంచడంలో పంచాయతీ సిబ్బంది, పారిశుద్ధ్య కార్మికులు, ప్రజాప్రతినిధులు మరియు గ్రామ ప్రజల సహకారం ఎంతో ఉందన్నారు. అందరి సామూహిక శ్రమ వల్లే ఈ పురస్కారం సాధ్యమైందని, మున్ముందు కూడా ఇదే స్ఫూర్తితో గ్రామాభివృద్ధికి కృషి చేస్తామని పేర్కొన్నారు.

ఈ కార్యక్రమంలో పత్తికొండ గ్రామ పంచాయతీ కార్యదర్శులు, సచివాలయ సిబ్బంది, పారిశుద్ధ్య పర్యవేక్షకులు మరియు పంచాయతీ సిబ్బంది పాల్గొన్నారు.

సూర్య ప్రతినిధి షేక్ దస్తగిరి కర్నూలు జిల్లా వెల్దుర్తి మండలం