120 మంది నిరుపేదలకు భూమి చూపించాలని తహసీల్దార్ కు వినతి

120 మంది నిరుపేదలకు భూమి చూపించాలని తహసీల్దార్‌కు వినతి

120 మంది నిరుపేదలకు భూమి చూపించాలని తాహసిల్దార్ గోపాల  కు రైతులు సోమవారం వినతి పత్రం అందజేశారు. కందుకూరు మండలం నేదునూరు రెవిన్యూ పరిధిలోని సర్వే నంబర్లు 444, 520, 537, 592లో సుమారు 520 మందికి గైరాన్ సర్టిఫికెట్లు, పాస్‌బుక్కులు జారీ చేసినట్లు గ్రామస్థులు తెలిపారు. అయితే కొంతమందికి భూమి పొజిషన్ చూపించగా, ఇంకా 120 మందికి భూమి చూపించలేదని పేర్కొన్నారు. ఈ సమస్యపై పలుమార్లు అధికారులను కలిసినా సర్వే నిర్వహించి భూమి చూపించలేదని ఆవేదన వ్యక్తం చేశారు. 120 మంది నిరుపేదలకు వెంటనే సర్వే నిర్వహించి భూమి పొజిషన్ చూపించాలని కోరారు. కార్యక్రమంలో బుడ్డిరపు శ్రీనివాస్, అంకగళ్ల కుమార్, మిదే యాదయ్య, వగూర యాదయ్య, కళ్యాణ్ కార  వరుణ్ కుమార్, ఉన్ని సాయిలు, సేరిగ రాములు, నరసింహ తదితరులు పాల్గొన్నారు.

టి. శ్రీనివాస్ :మేజర్ న్యూస్, కందుకూరు