రమణేశ్వరంలో వైభవంగా 'సనాతన ధర్మ సహస్ర సూత్రాలు' గ్రంథావిష్కరణ*

*భువనగిరి ప్రతినిధి మేజర్ న్యూస్*

*మండల పరిధిలోని నాగిరెడ్డిపల్లి గ్రామంలోని రమణానంద మహర్షి ఆశ్రమంలో సోమవారం ఉప శీర్షిక: 1008 సంస్కృత సూత్రాలలో సనాతన ధర్మ తత్త్వం; ప్రతి హిందువూ అధ్యయనం చేయదగిన గ్రంథమని జగద్గురువుల ప్రశంస రమణేశ్వరం, గ్రేటర్ హైదరాబాద్, అక్టోబర్ 5: జగద్గురు శ్రీ రమణానంద మహర్షి సంస్కృతంలో రచించిన 'సనాతన ధర్మ సహస్ర సూత్రాలు' గ్రంథావిష్కరణ మహోత్సవం సోమవారం రమణేశ్వరంలో అత్యంత వైభవంగా జరిగింది. జగద్గురు స్వామి అవధేశ్ ప్రపన్నాచార్య, జగద్గురు యోగేశ్వర్ ఆనంద్ జీ మహారాజ్, జగద్గురు స్వామి నరేంద్రనాథ్ సరస్వతి జీ మహారాజ్, విమల్ దేవ్ ఆశ్రమ్ జీ మహారాజ్, మహామండలేశ్వర్ రాజేందర్ గిరి స్వామి, మహామండలేశ్వర్ రాజేశ్వర్ దాస్ జీ మహారాజ్, మహామండలేశ్వర్ కామేశ్వర్ పురి జీ, స్వామి హర్షానంద తదితర ఉత్తర భారతదేశ ఆధ్యాత్మిక ప్రముఖులు, వివిధ రాష్ట్రాల ఆశ్రమాధిపతులు, పీఠాధిపతులు ఈ వేడుకలో పాల్గొన్నారు. దయాకర్ ఎమ్మెల్సీ  కూడా హాజరయ్యారు.
ఆధ్యాత్మిక ప్రముఖులకు పూర్ణకుంభంతో సంప్రదాయబద్ధంగా స్వాగతం పలికారు. బంగారు శివలింగానికి అభిషేకం నిర్వహించిన అనంతరం, అతిథులు జ్యోతిర్మండల ఆలయంలోని నక్షత్ర, నవగ్రహ, రాశ్యాత్మక దేవతలను దర్శించుకున్నారు.
గ్రంథావిష్కరణ వేదికపై శ్రీ రమణానంద మహర్షి ఆధ్యాత్మిక ప్రముఖులను పేరుపేరునా సత్కరించారు. అనంతరం జగద్గురువులు, మహామండలేశ్వరులు, పీఠాధిపతుల సమక్షంలో గ్రంథాన్ని ఆవిష్కరించారు. సనాతన ధర్మ తత్త్వాన్ని 1008 సంస్కృత సూత్రాల రూపంలో అందించిన ఈ రచనను అతిథులు ఆశీర్వదించారు.
సనాతన ధర్మంపై అవగాహన పెంచుకునేందుకు ఈ గ్రంథం విశిష్ట మార్గదర్శకమని, ప్రతి హిందువూ అధ్యయనం చేయదగినదని పలువురు జగద్గురువులు ప్రశంసించారు. ధర్మ తత్త్వాన్ని ప్రజలకు చేరువ చేయడంలో ఇటువంటి రచనలకు ఎంతో ప్రాధాన్యం ఉందని అభిప్రాయపడ్డారు.
సనాతన ధర్మం అనాది ధర్మమని, దానికి ఆరంభం లేదని వారు వివరించారు. తన ఆత్మలోని దైవాన్ని దర్శించడమే ఆ ధర్మపు అసలైన సారమని పేర్కొన్నారు. అంతర్ముఖ సాధన, ఆత్మజ్ఞానం, దైవానుభూతి ద్వారా ధర్మాన్ని జీవితంలో అనుభవించాలని సందేశమిచ్చారు.
గ్రంథ రచయిత శ్రీ రమణానంద మహర్షికి అతిథులు అభినందనలు, ఆశీస్సులు తెలిపారు. వివిధ ప్రాంతాల నుంచి పెద్ద సంఖ్యలో తరలివచ్చిన భక్తులకు అన్నదానం నిర్వహించారు. ధర్మబోధ, ఆధ్యాత్మిక సందేశాలు, సంప్రదాయ సత్కారాలతో మహోత్సవం ముగిసింది*