ప్రాణాలతో చెలగాటమాడుతున్న ఫార్మా కంపెనీని మూసివేయాలని కలెక్టర్ కి ఫిర్యాదు

భూదాన్ పోచంపల్లి మేజర్ న్యూస్:

భూదాన్ పోచంపల్లి మండల పరిధిలోని దోతి గూడెం గ్రామం సమీపంలోని హేజోలో ఫార్మా కంపెనీలో గత మూడు నెలల నుంచి తరచుగా జరిగే ప్రమాదాలలో రియాక్టర్లు పూర్తిగా బ్లాస్టింగ్ జరిగి తరచు ప్రమాదాలు జరుగుతున్నాయని, ప్రజల ప్రాణాలతో చెలగాటం ఆడుతున్న e హేజోలో స్వర్ణ కంపెనీని మూసివేయాలని సోమవారం యాదాద్రి జిల్లా కలెక్టర్ అనురాగ్ జయంతికి గ్రామానికి చెందిన ముద్ధం సత్యం  ఫిర్యాదు చేశాడు. ఈ సందర్భంగా ఆయన మాట్లాడుతూ యజమాన్యం నిర్లక్ష్యం కారణంగా అనేకమంది ప్రాణాలు కోల్పోతున్నారు. ఈ కోల్పోతున్న ప్రాణాలకు ఖరీదు కట్టించుకుంటూ తప్పుడు అనుమతులతో అనుమతి లేని డ్రగ్స్ ను తయారు చేస్తూ పరిశ్రమలో నిబంధనలకు విరుద్ధంగా నడుపుతున్నారని అన్నారు.ఈ యొక్క కంపెనీ పూర్తిగా మూసివేయాలని , అనుమతులను పూర్తిస్థాయిలో రద్దుచేసి కంపెనీ శాశ్వతంగా మూసివేయాలని కలెక్టర్ ని వారు కోరారు.