14 ఏళ్ల బాలిక అదృశ్యం
చేవెళ్ల పోలీస్‌స్టేషన్‌ పరిధిలోని ధర్మసాగర్‌లో 14 ఏళ్ల బాలిక అదృశ్యమైంది. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
ధర్మసాగర్‌లో అద్దెకు ఉంటున్న షాజహాన్‌ ఖాతూన్‌ కుటుంబం సోమవారం సాయంత్రం శంకర్‌పల్లికి మకాం మార్చింది. అయితే కొంత సామగ్రి ధర్మసాగర్‌లోని షట్టర్‌లోనే ఉండిపోవడంతో వాటిని చూసుకునేందుకు భర్త సోదరి సబ్రా ఖాతూన్‌ (14)ను అక్కడే ఉంచారు. మంగళవారం ఉదయం 9 గంటలకు షాజహాన్‌ తిరిగి వచ్చేసరికి సబ్రా కనిపించలేదు. చుట్టుపక్కల, బంధువులు, స్నేహితుల వద్ద వెతికినా ఆచూకీ లభించలేదు.
బాలిక గతంలో ఫోన్‌లో ఎవరితోనో మాట్లాడుతుండేదని ఫిర్యాదుదారు పోలీసులకు తెలిపినట్లు సమాచారం. దీంతో చేవెళ్ల పోలీసులు క్రైం నంబర్‌ 684/2026, బీఎన్‌ఎస్‌ సెక్షన్‌ 137(2) కింద కేసు నమోదు చేశారు. బాలిక ఆచూకీ కోసం ప్రత్యేకంగా గాలింపు చేపట్టారు.
బాలిక వివరాలు: సబ్రా ఖాతూన్‌, వయస్సు 14 సంవత్సరాలు, ఎత్తు సుమారు 4.2 అడుగులు, గోధుమ ఛాయ, హిందీ మాట్లాడగలదు. బాలికకు సంబంధించిన సమాచారం తెలిసిన వారు సమీప పోలీస్‌స్టేషన్‌కు లేదా చేవెళ్ల పోలీసులకు సమాచారం అందించాలని పోలీసులు కోరారు.
(చేవెళ్ల - మేజర్ న్యూస్)
