సాగు నీటి ప్రాజెక్టులను పూర్తి చేయాలి..

సాగునీటి ప్రాజెక్టులను పూర్తి చేయాలి..కరువు జిల్లాగా ప్రకటించాలి 

 జిల్లా సాగునీటి పనులు సాధన సమితి డిమాండ్ 

 ఎమ్మిగనూరు మేజర్ న్యూస్ ప్రతినిధి

 కర్నూలు జిల్లాలో కరువు విలయతాండవం చేస్తుంటే పాలకులకు పట్టడం లేదంటూ తక్షణమే కరువు జిల్లాను ప్రకటించడమే కాకుండా సాగునీటి ప్రాజెక్టులన్నిటిని పూర్తి చేయాలని డిమాండ్ చేస్తూ జిల్లా సాగునీటి సమితి అధ్యక్షులు శేషారెడ్డి ప్రభుత్వాన్ని డిమాండ్ చేశారు. ఏర్పాటు చేసిన విలేకరుల సమావేశంలో ఆయన మాట్లాడుతూ ఆర్డీఎస్ కుడికాలువ పనులు కర్నూలు జిల్లా కరువు తరిమికొట్టాలన్నారు. వేదావతి ప్రాజెక్టుకు 53 కోట్లు నిధులు కేటాయించినప్పటికీ పనులు వేగవంతం చేయడంలో ప్రభుత్వం చొరవ చూపాలన్నారు. జి ఆర్ పి ప్రాజెక్టు పంప్ హౌస్లలో  11 మోటర్లలో కేవలం రెండు మాత్రమే పనిచేస్తున్నాయని అన్ని మోటార్లను మరమ్మతులు చేయించాల్సిన బాధ్యత ప్రభుత్వంపై ఉందన్నారు. ఎల్ నీనో ప్రభావంతో దేశమంతా వర్షాలకు కురవకుంటే కర్నూలు జిల్లాలో కేవలం 15 మండలాలను కరువు మండలాలకు ప్రకటించి మిగిలిన మండలాలకు విస్మరించడం పై వారు మండిపడ్డారు. కరువు అన్ని చోట్ల ఉంది కావున పంటల బీమా అంది ఎందుకు చర్యలు తీసుకోవాలని వారు ప్రభుత్వాన్ని డిమాండ్ చేశారు. రైతాంగానికి సాగునీటి వనరులు కల్పించి కర్నూల్ జిల్లాలో కరువు రక్షణ పారద్రోలాలు అన్నారు. ఈ కార్యక్రమంలో కె ఆర్ నటరాజ్ రెడ్డి, సత్యనారాయణ రెడ్డి తదితరులు పాల్గొన్నారు.