andhrapradesh
చీరాలలో పోలీసులు విస్తృత తనిఖీలు
చీరాల, అక్టోబర్ 4: ఎస్పీ బి. ఉమామహేశ్వరరావు ఆదేశాల మేరకు డీఎస్పీ మహమ్మద్ మోహిన్ సూచనలతో విజిలిపేటలో పోలీసులు కార్డన్ సెర్చ్ నిర్వహించారు. సీఐల ఆధ్వర్యంలో ఆరుగురు ఎస్‌ఐలు, 65 మంది సిబ్బంది తనిఖీల్లో పాల్గొన్నారు. పత్రాలు లేని 4 ఆటోలు, 38 ద్విచక్ర వాహనాలను స్వాధీనం చేసుకున్నారు. గంజాయి, అసాంఘిక కార్యకలాపాలకు పాల్పడితే కఠిన చర్యలు తీసుకుంటామని పోలీసులు హెచ్చరించారు. యువత మత్తు పదార్థాలకు దూరంగా ఉండాలని, వాహనదారులు హెల్మెట్ తప్పనిసరిగా ధరించాలని సూచించారు.
