మోసపోయాం జానకి టైటిల్ ఆసక్తికరంగా ఉందన్న సందీప్ రెడ్డి వంగా.. చిత్రబృందానికి ప్రత్యేక శుభాకాంక్షలు!
సూర్య ఎంటర్టైన్మెంట్ డెస్క్: టాలీవుడ్లో విభిన్నమైన టైటిళ్లతో రూపొందే సినిమాలకు ఎప్పుడూ మంచి ఆదరణ ఉంటుంది. తాజాగా సాయి సోహన్, విస్మయ శ్రీ ప్రధాన పాత్రల్లో తెరకెక్కుతున్న చిత్రం మోసపోయాం జానకి. ఇటీవల విడుదలైన ఈ సినిమా టైటిల్, ఫస్ట్ లుక్ పోస్టర్కు ప్రేక్షకుల నుంచి మంచి స్పందన లభిస్తుండగా, సెన్సేషనల్ డైరెక్టర్ సందీప్ రెడ్డి వంగా ఈ పోస్టర్ను సోషల్ మీడియా వేదికగా పంచుకోవడంతో ప్రాజెక్ట్పై మరింత ఆసక్తి నెలకొంది.
మోసపోయాం జానకి టైటిల్ ఎంతో ఆసక్తికరంగా ఉందని పేర్కొన్న సందీప్ రెడ్డి వంగా, చిత్రబృందానికి తన శుభాకాంక్షలు తెలియజేశారు. స్టార్ దర్శకుడి నుంచి ప్రశంసలు అందడంతో సినిమా యూనిట్ ఆనందం వ్యక్తం చేస్తోంది. క్రైమ్ కామెడీ జానర్లో ఆద్యంతం వినోదాత్మకంగా సాగే కథాంశంతో దర్శకుడు మధుసూధన్ రెడ్డి గోపు ఈ చిత్రాన్ని రూపొందిస్తున్నారు.
నిసా ఎంటర్టైన్మెంట్స్, సెవెన్ క్రియేషన్స్ బ్యానర్స్ సంయుక్తంగా తమ ప్రొడక్షన్ నెంబర్ 3గా అత్యున్నత నిర్మాణ విలువలతో ఈ సినిమాను నిర్మిస్తున్నాయి. ఈ చిత్రంలో విష్ణు ఓయ్, నరేంద్ర రవి, హరితేజ, జీవన్ కుమార్, మురళీధర్ గౌడ్ తదితరులు కీలక పాత్రలు పోషిస్తున్నారు.
నటీనటుల బృందం, ఆకట్టుకునే టైటిల్తో సినీ వర్గాల్లో చర్చనీయాంశంగా మారిన మోసపోయాం జానకి ప్రస్తుతం నిర్మాణ పనులను వేగంగా జరుపుకుంటోంది. వచ్చే ఏడాది ఈ చిత్రాన్ని గ్రాండ్గా థియేటర్లలో విడుదల చేసేందుకు నిర్మాతలు సన్నాహాలు చేస్తున్నారు.
Also Read: మ్యాడ్ ఫేమ్ రామ్ నితిన్ కొత్త ప్రాజెక్ట్.. తెలుగు, తమిళంలో లవ్స్టోరీ!