వెబ్ కాస్టింగ్ వీక్షణకు విస్తృత ఏర్పాట్లు : జిల్లా కలెక్టర్ పి.రాజాబాబు

ఒంగోలు, మేజర్‌న్యూస్‌ :

మున్సిపల్ ఎన్నికలకు సంబంధించిన ఓటింగ్ సరళిని ప్రత్యక్షంగా వీక్షించేందుకు జిల్లా యంత్రాంగం విస్తృత ఏర్పాట్లు చేసింది. ఒంగోలు మునిసిపల్ కార్పొరేషన్ తోపాటు చీమకుర్తి, అద్దంకి మున్సిపల్ ఎన్నికలు జరిగే ప్రతి పోలింగ్ గదిలో సిసి టీవీలు ఏర్పాటు చేసింది. వీటి ద్వారా ఆయా కేంద్రాలలోని పరిస్థితిని నిశితంగా గమనించేలా కలెక్టర్ కార్యాలయానికి అనుసంధానం చేశారు. ఈ ఏర్పాట్లను జిల్లా కలెక్టర్ శ్రీ.పి.రాజాబాబు శనివారం పరిశీలించారు. కలెక్టరేట్ లోని కమాండ్ కంట్రోల్ కేంద్రం నుంచి లైవ్ వెబ్ కాస్టింగ్ వీక్షించే సిబ్బందికి పలు ఆదేశాలు జారీ చేశారు. ఇదే కేంద్రంలో 1077 టోల్ ఫ్రీ నంబర్ ఫోన్ కాల్స్ రిసీవ్ చేసుకునే సిబ్బందికి కూడా స్పష్టమైన ఆదేశాలు ఇచ్చారు. ఎన్నికలకు సంబంధించి ప్రజల నుంచి ఏమైనా అభ్యర్థనలు, ఫిర్యాదులు వస్తే వెంటనే సంబంధిత ఆర్వోలకు సమాచారం అందించేలా ప్రత్యేక కమ్యూనికేషన్ హ్యాండ్ సెట్స్ కూడా అందుబాటులో ఉంచాలని అధికారులను ఆదేశించారు. ఈ సందర్భంగా కలెక్టర్ వెంట కమాండ్ కంట్రోల్ కేంద్రం ఇన్చార్జి మాధురి, ఇతర అధికారులు ఉన్నారు.