"శ్రీ త్యాగరాయ ఆచార్య గీతా" (గీతా సంగీత సమన్వయ లహరి)

విశాఖ కల్చరల్,  సూర్య : పిఠాపురం కాలనీ విశాఖ కళాభారతి లో నిన్న శుక్రవారం సాయంత్రం 6.30 గంటలకు జరిగిన సాంప్రదాయ వీణా వాద కార్యక్రమం చాలా అద్భుతం గా జరిగింది. వినూత్నం గా అద్వితీయం గా  గీతసారాంశం , త్యాగరాజ స్వామి కీర్తనలతో సమన్వయం చేస్తూ గీతా సారాంశం లోని పలుయోగాలను త్యాగరాజ కీర్తనల ద్వారా ఆరు వీణలతో ఐదుగురు గాత్ర విద్వాంసులతో సమన్వయం చేస్తూ అత్యంత మనోహరంగా నిర్వహించబడింది. ముందుగా కళాభారతి కార్యదర్శి  డాక్టర్ రాంబాబు, ఎస్ రామ్ గోపాల్, బి.ఆర్.కె.రాజు,  నేటి ప్రధాన కళాకారిణి శ్రీమతి పద్మా రవిశంకర్, డా.పేరాల, పంతుల నర్సింగరావు జ్యోతి ప్రకాశనం చేసి శుభారంభం చేశారు. ఇంతవరకు కళాభారతి అనేక కళలను కళాకారులను పోషిస్తూ వస్తున్నదని , ఇప్పుడు మరొక అడుగు ముందుకు వేసి గీత సారాంశాన్ని గీతలో చెప్పిన ధర్మాన్ని త్యాగరాజ స్వామి కీర్తనల ద్వారా ప్రపంచానికి తెలియజేశారని అందుకే ఇలాంటి ప్రత్యేకంగా కార్యక్రమం ఈ రోజున ఏర్పాటు చేయడం జరిగిందని ఈ కార్యక్రమాల ద్వారా అనేక ధర్మబద్ధమైన సూచనలు తెలియజేయబడ్డాయని ఈ కార్యక్రమాన్ని నిర్వహించిన శ్రీమతి పప్పు పద్మావతి వారి బృందాన్ని మనస్ఫూర్తిగా అభినందించారు. నేటి యువత, జెన్ జీ తరం కూడా "భగవద్గీత" సారాన్ని మనస్ఫూర్తిగా ఆస్వాదిస్తూ,  నేటి  కళాకారులలో ఈ యువత ఉండడం చాలా ప్రశంసనీయమని వారికి ఉజ్వల భవిష్యత్తు ఉన్నదని ఆశీర్వదించారు.

తర్వాత జరిగిన కార్యక్రమం " శ్రీ త్యాగ ఆచార్య గీత" లో ఆరు వీణలు, నలుగురు గాత్రం కళాకారిణులు తో,  శ్రీమతి పప్పు పద్మ రవిశంకర్ బహు చక్కని వివరణాత్మక వ్యాఖ్యానంతో రెండున్నర గంటల పాటు సాగిన ఈ కార్యక్రమం శ్రోతలను మంత్రముగ్ధులను చేసింది. ఈ గీత సంగీత సమన్వయ లహరి అత్యంత అద్భుతంగా జరిగింది. ఈ కార్యక్రమంలో శ్రీకృష్ణ పరమాత్ముడు చెప్పిన భగవత్గీతలో అనేక యోగాలు ఉన్నాయి. సాంఖ్య యోగము, కర్మయోగము, జ్ఞాన యోగము,  కర్మ సన్యాస యోగము,  ధ్యాన యోగము, భక్తి యోగము  ఇలా అన్ని యోగాలను త్యాగరాజ స్వామి వారి కీర్తనలు కీర్తనలలో ఎలా అనునయించ బడ్డాయో , అత్యంత శ్రావ్య గానం తో, వీణల వాదనలతో, వయొలిన్ , మృదంగ,  ఘట వాయిద్య సహకారాలతో అద్భుతంగా ప్రదర్శించి ప్రతి ఒక్కరూ మెచ్చుకునేలా సాగింది ఈ కార్యక్రమం. జనరంజక తాళాలతో, కీర్తనలతో కార్యక్రమం  నిర్వహించి అందరి మన్ననలను పొందారు కళాకారులు. నర్సింగరావు కార్యక్రమం నిర్వహించగా డా.పేరాల బాలమురళి కార్యక్రమం సమీక్షించారు. ప్రముఖ సంగీత విద్వాంసురాలు "సంగీత కళాభారతి"  డా.పంతుల రమ, గోపాలరావు, లక్ష్మీ తదితరులు పాల్గొని ప్రశంసించారు.
కార్యక్రమం అనంతరం యధావిధిగా భోజన రూపేనా ప్రసాద వితరణ జరిగింది