మళ్లీ ఆదరిస్తే శంబర మరింత అభివృద్ధి

మక్కువ, సూర్య : రాష్ట్ర గిరిజన, స్త్రీ శిశు సంక్షేమ శాఖ మంత్రి గుమ్మడి సంధ్యారాణి టిడిపి శంబర ఎంపీటీసీ అభ్యర్థిగా బలపరిచిన తీళ్ల జయమ్మ ను ఆదరించి గెలిపిస్తే శంబర గ్రామాన్ని మంత్రి గుమ్మడి సంధ్యారాణి సహకారంతో మరింత అభివృద్ధి చేస్తానని అభ్యర్థి తీళ్ల జయమ్మ తరఫున ఆమె భర్త తాజా మాజీ ఎంపీటీసీ తీళ్ల పోలినాయుడు కోరుతున్నారు. మంత్రి గుమ్మడి సంధ్యారాణి గ్రామ అభివృద్ధికి కట్టుబడి ఉన్నారని, ఈ నేపథ్యంలో తమ అభ్యర్థిని గెలిపించి గ్రామాన్ని మరింత అభివృద్ధి చేసేందుకు సహకరించాలని ఆయన కోరుతున్నారు. ప్రధానంగా గ్రామానికి శివారులో ఉన్న కొత్త కాలనీ నివాస ప్రజలను దుర్భర పరిస్థితుల నుండి విముక్తి కలిగిస్తానని ఆయన హామీ ఇచ్చారు. కాలనీలో ప్రతి వీధికి సీసీ డ్రైనేజీలతో పాటు సిసి రోడ్డు నిర్మాణం చేపట్టేందుకు మంత్రివర్యులు తమకు హామీ ఇచ్చారని ఈ సందర్భంగా ఆయన తెలిపారు. అక్కడ ప్రజలు తాగునీరు, విద్యుత్ సౌకర్యంగా ఇబ్బందులు పడుతున్న విషయాన్ని తెలుసుకున్నట్టు వివరించారు. కాలనీ వాసులకు నిరంతరం తాగునీరు అందించేందుకు ప్రణాళిక సిద్ధం చేయడం జరిగిందని అభ్యర్థి భర్త తీళ్ల పోలినాయుడు తెలిపారు. శంబర గ్రామంలో ఎంపీటీసీ అభ్యర్థి తీళ్ల జయమ్మ కు రోజురోజుకు ఆదరణ పెరుగుతుంది. శనివారం ప్రచారంలో భాగంగా ఇంటింటికి వెళ్లి తమను గెలిపించాలని కోరుతూ అభ్యర్థి జయమ్మ విన్నవించారు.