telangana
అంగన్‌వాడి కేంద్రంలో పాము కలకలం..
సూర్య మల్లాపూర్ ::మండలంలోని రేగుంట గ్రామంలో 1వ అంగన్‌వాడీ కేంద్రంలో శనివారం మధ్యాహ్నం పాము చొరబడటంతో చిన్నారులు, ఆయ భయాందోళనకు గురయ్యారు. టీచర్‌ అందుబాటులో లేకపోవడంతో అప్రమత్తమైన ఆయ చిన్నారులను మరో గదిలోకి పంపి తలుపులు మూసివేసింది. అనంతరం టీచర్‌కు సమాచారం ఇవ్వగా తాను సమావేశానికి వెళ్లినట్లు తెలిపినట్లు సమాచారం. చిన్నారులు ఉన్న కేంద్రంలో పాము చొరబడటం భద్రతా లోపాలను ఎత్తిచూపుతోంది. ఈ ఘటనలో చిన్నారులు, ఆయ లు ప్రాణాపాయం నుండి తృటిలో తప్పించుకున్నట్లైంది.
