జడ్పీటీసీ, ఎంపీటీసీ అభ్యర్థులను మెజారిటీతో గెలిపించాలి: డాక్టర్ సుంకరి

గుర్ల, సూర్య : గుర్ల మండల తెలుగుదేశం పార్టీ జడ్పీటీసీ అభ్యర్థి చనమల రాధా, ఎంపీటీసీ అభ్యర్థి వల్లూరి భానుమతిని మెజారిటీతో గెలిపించే బాధ్యత పార్టీ శ్రేణులపై ఉందని ఉత్తరాంధ్ర విద్యార్థి సేన వ్యవస్థాపకులు,టీడీపీ సీనియర్ నేత సుంకరి రామరమణమూర్తి పేర్కొన్నారు.శుక్రవారం పాలవలస గ్రామంలో టీడీపీ అభ్యర్థులు ఇంటింటి ప్రచారం నిర్వహించారు. ఈ సందర్భంగా రమణమూర్తి మాట్లాడుతూ రాష్ట్రంలో ముఖ్యమంత్రి చంద్రబాబు నాయుడు నాయకత్వంలో ప్రజలకు సుపరిపాలన అందిస్తున్నారని తెలిపారు.రాష్ట్రం అన్ని రంగాల్లో అభివృద్ధి చెందాలంటే కూటమి ప్రభుత్వం బలపరిచిన అభ్యర్థులకు మద్దతు ఇవ్వాలని పేర్కొన్నారు.ఎన్నికల సమయంలో ఇచ్చిన హామీల మేరకు సూపర్ సిక్స్ పథకాలను ప్రజలకు అందిస్తున్నామని తెలిపారు. ప్రజా సంక్షేమమే లక్ష్యంగా ముఖ్యమంత్రి చంద్రబాబు నాయుడు పాలన సాగిస్తున్నారని అన్నారు. నియోజకవర్గ ఎమ్మెల్యే కళా వెంకట్రావు నియోజకవర్గ అభివృద్ధికి కృషి చేస్తున్నారని పేర్కొన్నారు.   మండల పార్టీ అధ్యక్షులు చనమల్ల మహేష్ మాట్లాడుతూ మండలంలోని గ్రామస్థాయి పార్టీ నాయకులు ,కార్యకర్తలంతా ఎన్నికల ప్రచారంలో చురుగ్గా పాల్గొనాలని, పార్టీ అభ్యర్థుల విజయానికి కృషి చేయాలని పిలుపునిచ్చారు.ఈ కార్యక్రమంలో మండల పార్టీ అధ్యక్షుడు చనమల్ల మహేష్, గ్రామ పెద్దలు వల్లూరి భాస్కరరావు, గేదెల అప్పలనాయుడు, పొట్నూరు అప్పలనాయుడు,సుంకరి పైడినాయుడు, కార్యకర్తలు తదితరులు పాల్గొన్నారు.