వైసీపీ మేయర్ అభ్యర్థి రమేష్ గౌడ్ మైనార్టీలతో ఆత్మీయ సమావేశం

అనంతపురం బ్యూరో(అనంతపురంబ్యూరో, మేజర్ న్యూస్ : అనంతపురం నగరపాలక సంస్థ వైఎస్ఆర్ కాంగ్రెస్ పార్టీ మేయర్ అభ్యర్థి సి.రమేష్ గౌడ్ నగరంలోని పలు మసీదుల్లో మైనార్టీ మతపెద్దలు, స్థానికులతో మర్యాదపూర్వకంగా కలిశారు. 

ఈ సందర్భంగా వైసీపీ అభ్యర్థులకు అనుకూలంగా ఓటు వేయాలని వారిని కోరారు.

మూడవ రోడ్డులోని చాందిని మసీదులో మతపెద్దలను కలిసిన రమేష్ గౌడ్, వైఎస్ఆర్ కాంగ్రెస్ పార్టీ అభ్యర్థులకు ఓటు వేసి గెలిపించాలని అభ్యర్థించారు. 

తర్వాత రెండవ రోడ్డులోని బాబుద్దీన్ మసీదులో ముస్లిం మతపెద్దలతో కలిసి దువా చేయించారు.

అనంతరం 53వ డివిజన్‌లో మేయర్ అభ్యర్థి రమేష్ గౌడ్, కార్పొరేటర్ అభ్యర్థి రహంతుల్లాతో కలిసి ఎన్నికల ప్రచారాన్ని ప్రారంభించారు. ఈ సందర్భంగా ఫ్యాన్ గుర్తుకు ఓటు వేయాలని ప్రజలను కోరారు.

ఈ కార్యక్రమంలో మాజీ మేయర్ వసీం, వైసీపీ సీనియర్ నాయకులు ఏకేఎస్ ఫయాజ్, రిజ్వాన్, మహబూబ్ బాషా, 53వ డివిజన్ కార్పొరేటర్ అభ్యర్థి షాక్ రామతుల్లా, అలాగే మసూద్, శంషుద్దీన్, ఇషాక్, శమ్ము, ఆజాద్, షకీల్, హిద్దయతుల్లా, జిలాన్, సయ్యద్ తదితరులు పాల్గొన్నారు.

ఈ సందర్భంగా రమేష్ గౌడ్ మాట్లాడుతూ.. అన్ని మతాల, వర్గాల ప్రజల సహకారంతోనే నగరం అభివృద్ధి సాధ్యమవుతుందని అన్నారు. మైనార్టీ ప్రాంతాల్లో మౌలిక సదుపాయాలు, పౌర సౌకర్యాల అభివృద్ధికి ప్రత్యేక దృష్టి పెట్టనున్నట్లు విశ్వాసం వ్యక్తం చేశారు.