32వ డివిజన్ టీడీపీ కార్పొరేటర్ అభ్యర్థి గా బట్టే వెంకట కీర్తి

తిరుపతి, మేజర్ న్యూస్ :
తిరుపతి నగరంలోని 32వ డివిజన్ తెలుగుదేశం పార్టీ కార్పొరేటర్ అభ్యర్థిగా మాజీ ఎమ్మెల్యే సుగుణమ్మ మనుమరాలు, టిడిపి జిల్లా సీనియర్ నేత డాక్టర్ బి.ఎల్ సంజయ్ కుమార్తె బట్టే వెంకట కీర్తి నామినేషన్ దాఖలు చేశారు. బుధవారం సచివాలయం వద్ద బట్టే వెంకట కీర్తి మీడియాతో మాట్లాడుతూ ప్రజాసేవే పరమావధిగా  మీ ముందుకు వస్తున్నానని, తనను ప్రజలందరి ఆశీస్సులు, ఆదరణతో  కార్పొరేటర్ గా గెలిపిస్తే డివిజన్ పరిధిలోని అన్ని ప్రాంతాలలో అభివృద్ధి పనులు చేపట్టి కార్పొరేషన్ పరిధిలోనే ఆదర్శ డివిజన్ గా మార్పు చేస్తానని చెప్పారు. తన కుటుంబ మొదటి నుంచి రాజకీయ నేపథ్యం కలిగిన కుటుంబం అని, మాజీ ఎమ్మెల్యే సుగుణమ్మకు మనుమరాలుగా ప్రజలందరికీ సుపరిచితురాలి నని పేర్కొన్నారు. కావున 32వ డివిజన్ లో ఉన్న ప్రజలందరూ కూటమి పార్టీ తరఫున పోటీ చేస్తున్న తనకు ఓట్లు వేసి వేయించి గెలిపించి మీకు మరింతగా సేవ చేసే భాగ్యాన్ని కల్పించాలని పట్టే వెంకట కీర్తి అభ్యర్థించారు.

H. Dwaraka, staff reporter,

Cell no : 9705347341.