జోరు వానలో... ప్రచార హోరు తొలి రోజు ఎన్నికల ప్రచారానికి కూటమి శ్రీకారం

తిరుపతి, మేజర్ న్యూస్ :
జోరు వాన ఓ వైపు... ప్రచార హోరు మరో వైపుతో తిరుపతి నగరంలో తొలిరోజు కూటమి మేయర్ అభ్యర్థి జేబీ శ్రీనివాస్ @ మన్యం శ్రీనివాస్ ప్రసాద్ ప్రచారం సాగింది. ఎలాంటి ఆర్బాటాలు లేకుండా సాధారణంగా. తిరుపతి ఎమ్మెల్యే ఆరణి శ్రీనివాసులు, పార్లమెంట్ అధ్యక్షురాలు పనబాక లక్ష్మి, యాదవ కార్పొరేషన్ ఛైర్మన్ నరసింహ యాదవ్, శాప్ ఛైర్మన్ రవి నాయుడు, జనసేన జిల్లా అధ్యక్షుడు డాక్టర్ హరిప్రసాద్, బీజేపీ జిల్లా అధ్యక్షుడు సామంచి శ్రీనివాస్, తాతయ్యగుంట ఆలయ ఛైర్మన్ మహేష్ యాదవ్, జనసేన నాయకుడు ప్రణీత్ తో కలిసి తిరుపతికి ఈశాన్యం వైపున తిమ్మినాయుడు పాళెం హరిజనవాడలో ఇంటింటికి వెళ్లి ప్రచారం చేసారు. ప్రతి ఇంటికి వెళ్లి ఓటర్లతో మమేకమవుతూ ప్రభుత్వం చేసిన మంచిని వివరిస్తూ... మేయర్ అయ్యాక చేపట్టబోయే అభివృద్ధిని వివరించారు. తిమ్మినాయుడు పాళెం ప్రజలు కర్పూర హారతులు అందిస్తూ స్వాగతం పలుకుతూ మేమంతా కూటమి ప్రభుత్వం వైపే ఉన్నామంటూ భరోసా కల్పించారు. కార్యక్రమంలో కూటమి పార్టీల నాయకులు కార్యకర్తలు పాల్గొన్నారు.

ద్వారక, స్టాఫ్ రిపోర్టర్, టీపీటీ.
సెల్ no :9705347341